Лінкі ўнівэрсальнага доступу

6 чэрвеня ў Сьветлагорску і Гомелі старшыня Рады беларускай інтэлігенцыі Ўладзімер Колас і сябра Рады Валянцін Голубеў сустракаліся з мясцовымі актывістамі апазыцыі.

Адбылася размова пра аб’яднаньне дэмакратычных сілаў перад будучымі парлямэнцкімі выбарамі. Паводле прызнаньня гасьцей, яны, па-сутнасьці, вычарпалі ўсе магчымасьці дзеля таго, каб скіраваць энэргію кіраўнікоў палітычных партыяў у адзінае рэчышча. Гэта асабліва яскрава праявілася на апошнім «круглым стале», арганізаваным нядаўна Радай інтэлігенцыі ў Менску.

«Кансалідацыя — гэта самае важнае, што павінна адбыцца. Ня будзе агульнай стратэгіі — ня будзе й перамогі. Нават нейкі горшы варыянт супольнай стратэгіі, калі ён будзе падтрыманы ўсімі і ўсімі будзе выконвацца, лепей за дзесятак розных, на якія дэмакратычныя сілы будуць працаваць паасобку», — лічыць Уладзімер Колас.

Ён заклікаў сябраў партый даслаць сваім лідэрам пісьмовыя патрабаваньні й прымусіць іх пайсьці да адзінства. Калі й пасьля гэтага партыйныя лідэры ня зробяць рэальных крокаў насустрач, то проста пераабраць іх на тых, хто здольны да аб’яднаньня.

Паказаць камэнтары

XS
SM
MD
LG