Лінкі ўнівэрсальнага доступу

У Берасьцейскім унівэрсытэце шукаюць незалежны прафсаюз


Берасьцейскі дзяржаўны ўнівэрсытэт

Берасьцейскі дзяржаўны ўнівэрсытэт

У Берасьцейскім дзяржаўным унівэрсытэце шукаюць сябраў незалежнага прафсаюзу. Аб гэтым паведаміў кіраўнік Свабоднага прафсаюзу Беларускага (СПБ) па Берасьцейшчыне Валянцін Лазарэнкаў.

Спадар Лазарэнкаў кажа, што атрымаў з Ленінскага райвыканкаму ліст з патрабаваньнем прадставіць пайменны сьпіс сябраў унівэрсытэцкай суполкі СПБ. Спасылаючыся на рэктара ўнівэрсытэту Мечыслава Часноўскага, чыноўнікі райвыканкаму сьцьвярджаюць, што ў гэтай суполцы няма сябраў у навучальнай установе.

Раней, кажа Валянцін Лазарэнкаў суполка СПБ у Берасьцейскім унівэрсытэце складала больш за сто сябраў. Аднак, кажа прафсаюзны лідар, пасьля перасьледу большасьць сябраў СПБ перайшлі ў афіцыйны прафсаюз. Лазарэнкаў кажа, што «людзі проста баяцца страціць працу».

Ліст з патрабаваньнем прадаставіць сьпіс сябраў — гэта чарговая спроба зьнішчыць суполку ва ўнівэрсытэце, лічыць Валянцін Лазарэнкаў.
XS
SM
MD
LG