Лінкі ўнівэрсальнага доступу

Пуцін абмяжоўвае беларусаў


Рэклямны шчыт зьявіўся на праспэкце Незалежнасьці напярэдадні візыту Ўладзімера Пуціна

Абмежаваньне руху аўтамабіляў на некаторых менскіх вуліцах будзе часова ўведзена 31 траўня — 1 чэрвеня, падчас візыту расейскага прэзыдэнта Ўладзіміра Пуціна.

Пра гэта паведамілі агенцтву Інтэрфакс у сераду ў ДАІ МУС Беларусі. «31 траўня — 1 чэрвеня ў Менску на шэрагу цэнтральных вуліц будзе часова абмяжоўвацца рух транспарту, у сувязі зь візытам у беларускую сталіцу прэзыдэнта Расеі», — перадае агенцтва.

Паводле суразмоўцаў Інтэрфаксу, «рух будзе часова абмежаваны на ўчастках дарог, па якіх будзе рухацца калёна аўтамабіляў расейскай дэлегацыі». У сувязі з гэтым у ДАІ заклікалі кіроўцаў быць уважлівымі і асьцярожнымі, не ствараць перашкод падчас праходжаньня аўтамабільнага картэжу.

У ДАІ адзначылі, што часовае абмежаваньне руху на вуліцах і трасах, па якіх праходзяць калёны аўтамабіляў зь першымі асобамі дзяржаваў, — агульнасусьветная практыка.

У праваахоўных органах таксама патлумачылі, што ў Менску будуць прынятыя неабходныя меры бясьпекі, якія звычайна ўводзяцца падчас візыту ў краіну кіраўніка іншай дзяржавы.

Ваша меркаваньне

Паказаць камэнтары

XS
SM
MD
LG