Лінкі ўнівэрсальнага доступу

Сырыя: пасьля нападу ўрадавых войскаў знойдзена 30 забітых дзяцей


Урадавые войскі бамбардуюць апазыцыйны горад Растан. Кадр зь відэа, выкладзенага ў інтэрнэт 23 траўня, 2012

Урадавые войскі бамбардуюць апазыцыйны горад Растан. Кадр зь відэа, выкладзенага ў інтэрнэт 23 траўня, 2012

Паўстанцкая Сырыйская свабодная армія заявіла, што больш ня можа датрымліваць замірэньне

Сырыйскія праваабаронцы абвясьцілі сёньня дзень жалобы па загінулых цывільных грамадзянах у горадзе Хоўла, дзе міжнародныя назіральнікі знайшлі сёньня целы прынамсі 90 чалавек, у тым ліку 32 дзяцей. Целы забітых былі знойдзеныя пасьля нападу ўрадавых войскаў.

Жыхары Хоўлы закідаюць міжнародным назіральнікам, што тыя маглі прадухіліць масакру, але ня сталі гэтага рабіць – адмовіўшыся прыехаць у горад уначы – адразу пасьля таго, як мясцовыя актывісты патэлефанавалі ім і паведамілі аб нападзе.

Кіраўнік місіі ААН у Сырыі генэрал Робэрт Муд назваў масавае забойства ў Хоўле "непрабачальным".

Міністар замежных спраў Францыі Ларан Фабіюс заявіў, аб намеры найбліжэйшым часам арганізаваць у Парыжы сустрэчу групы «сяброў Сырыі", у якую ўваходзяць шэраг арабскіх і заходніх краін.

Паўстанцкая Сырыйская свабодная армія заявіла, што больш ня можа датрымліваць замірэньне, прадугледжанае плянам міжнароднага пасланца Кофі Анана, калі Рада бясьпекі ААН не гарантуе бясьпекі цывільнага насельніцтва.

Паказаць камэнтары

XS
SM
MD
LG