Лінкі ўнівэрсальнага доступу

Ужо выходныя, 26-27 траўня


Насьценны каляндар да 130-годзьдзя Якуба Коласа

Насьценны каляндар да 130-годзьдзя Якуба Коласа

Бліц-агляд падзеяў і тэмаў у Беларусі, сьвеце, гісторыі.

НАДВОР'Е

Пахмурна, але цёпла: +18.

НЕ ПРАПУСЬЦІЦЕ:

26 траўня ў Менску ў галерэі сучаснага мастацтва «Ў» адбудзецца ўзнагароджаньне пераможцаў конкурсу «Прэс-фота Беларусі 2011», а таксама адкрыецца выстава фотаздымкаў удзельнікаў конкурсу. Пачатак а 18 гадзіне.

У Гальшанах на Гарадзеншчыне пройдзе фэст рыцарскай культуры «Гальшанскі замак».

У Гомелі ў канфэрэнц-залі гатэлю «Турыст» – публічная лекцыя Сяргея Харэўскага «Беларусь 21 ст.: наша новая ідэнтычнасьць».

У суботу ў вечаровым эфіры Свабоды «Гамбурскі рахунак Бахарэвіча» — эсе пра Івана Шамякіна. А ў нядзелю ў перадачы «Праскі акцэнт» Сяргей Навумчык абмяркоўвае падабенствы і адрозьненьні палітычнай і моўнай сытуацыі ў Беларусі і ва Ўкраіне. Удзельнічаюць: з Кіеву – публіцыст Віталь Портнікаў, зь Менску – палітоляг Уладзімер Роўда.

У ГЭТЫЯ ДНІ Ў БЕЛАРУСІ І Ў СЬВЕЦЕ:

26 траўня Грузія адзначае Дзень аднаўленьня незалежнасьці. Грузінскі сувэрэнітэт абвясьцілі ў 1918 годзе, аднавілі ў 1991-м.

У апошнюю суботу траўня (сёлета – 26.05) Баранавічы адзначаюць дзень гораду (год заснаваньня 1871).

26 траўня – фінал Эўрабачаньня. Беларускія ўдзельнікі, «Lightsound», у фінал ня выйшлі і зьбіраюцца 26 траўня, «калі стануць вядомыя вынікі галасаваньня і журы, і гледачоў па кожнай краіне, вывучаць іх, каб зразумець, што здарылася».

***

Паважаныя наведнікі сайту! Дапамажэце больш поўна прадставіць беларускі дзень – дашлеце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl.org.


ТАКСАМА Ў ГЭТЫЯ ДНІ:

26 траўня

1863 – у баі ля вёскі Парэчча (цяпер Талачынскі раён) загінуў Генрык Дмахоўскі, скульптар, удзельнік паўстаньняў 1830–1831 і 1863– 1864 г.

1926 – заснаванае Беларускае літаратурна-мастацкае згуртаваньне «Ўзвышша» (дзейнічала да сьнежня 1931 г.).

1976 – у Менску ўстаноўлены мэмарыяльны знак у гонар Тараса Шаўчэнкі.

1977 – памёр Янка Пачопка, паэт, фальклярыст. Пахаваны ў в. Малінаўка Глыбоцкага р-ну.

27 траўня

1835 – нарадзіўся Антон Трусаў (г. Барысаў), адзін з кіраўнікоў паўстаньня 1863–1864 г. Памёр каля 1886 г.

1871 – у Францыі вэрсальцамі расстраляны Канстанцін Далеўскі, удзельнік паўстаньня 1863–1864 г., які пасьля паразы далучыўся да парыскіх камунараў.

1900 – нарадзіўся Ўладзімер Жылка, паэт, перакладчык, публіцыст.

1943 – нарадзіўся Валеры Панамароў, беларускі кінарэжысэр, які экранізаваў творы беларускае літаратурнае клясыкі: п’есу Янкі Купалы «Тутэйшыя» і аповесьць Васіля Быкава «На чорных лядах».

1991 – у Менску створаная Міжнародная асацыяцыя беларусістаў (25–27 траўня адбыўся кангрэс беларусістаў).

ГОД ТАМУ Ў ЗАГАЛОЎКАХ НА САЙЦЕ «СВАБОДЫ»:

М.Адамовіч: «Я думаю, судзьдзі таксама было нялёгка»

Я.Вус: Мы былі гатовыя да прысуду, але да такога тэрміну – не

В.Класкоўская: «Перажылі лета гарачае, перажывем і дзярмо сабачае»

ЦЫТАТА НА ПАМЯЦЬ:

Досьць нас наезьнікам варожым
Трымаць ў прыгоне, беднаце,
Сьмяяцца нашай цемнаце,
Багацьце краю нішчыць, пляжыць –
Чужынцу годзе намі княжыць
І карыстацца з нашых плеч!..
Мы к волі йдзем – з дарогі прэч!..


Уладзімер Жылка. Покліч (1920)
XS
SM
MD
LG