На двары
Кароткачасовыя дажджы, уначы магчымыя навальніцы, тэмпэрутура днём 12-19 градусаў цяпла.
Сёньня ў Беларусі і сьвеце
У Віцебскім абласным судзе мае аднавіцца разгляд касацыйнай скаргі Сяргея Каваленкі
Адзначаецца Міжнароды дзень музэяў. Традыцыйнай стала ў сувязі з гэтым таксама правядзеньне музэйнай ночы. Многія сталічныя музэі будуць адчыненыя да позьняй ночы і рыхтуюць спэцыяльныя праграмы.
У Нацыянальным мастацкім музэі праграма пачнецца а 19-й і будзе працягвацца да гадзіны начы. Можна будзе наведаць лекцыю «Апакаліпсіс адмяняецца» (чаму ня будзе канца сьвету) або канцэрт джазавай сьпявачкі Шэйлы Купер (уваход 25 тысяч, на канцэрт – 200 тысяч).
Нацыянальны гістарычны музэй будзе працаваць да 23 гадзін. Праграма прысьвечаная часам напалеонаўскіх войнаў. (Уваход вольны).
У Музэі вялікай айчыннай вайны ад 18 да 22 будзе можна пабачыць партызанскі лягер са створанай ў поўную велічыню зямлянкай. (Цану ўваходу адміністрацыя яшчэ вызначае).
У Музэі Якуба Коласа можна будзе сустрэцца зь яго малодшым сынам , паслухаць коласаўскія вершы ў выкананьні школьнікаў, будзе таксама канцэрт Нацыянальнага акадэмічнага хору. (Уваход 3 тысячы)
У амэрыканскім Кэмп Дэвідзе адбудзецца традыцыйны саміт лідараў краінаў вялікай васьмёркі. Расею будзе прадстаўляць Дзьмітры Мядзьведзеў – ужо ў ролі прэм'ера.
Таксама ў гэты дзень
1924 – у Вільні пачала выходзіць газэта «Сын беларуса», якая публікавала выступы беларускіх дэпутатаў у польскім сойме.
1944 – пачалася дэпартацыя крымскіх татараў з Крыму ў Сярэднюю Азію.
1954 - уступіла ў сілу Эўрапейская канвэнцыя па правах чалавека.
1989 - Вярхоўны Савет Літоўскай ССР прыняў Дэклярацыю аб сувэрэнітэце Літвы.
У гэты дзень нарадзіліся
1888 --Ганна Барысевіч, адна з сусьветных доўгажыхарак, якая пражыла 118 гадоў і 281 дзень
1920 ― Ян Павал II, рымскі папа.
1938 – Міхаіл Казінец, беларускі дырыжор, рэктар Беларускай акадэміі музыкі.
1958 ― Ян Максімюк, беларускі перакладчык, літаратар, журналіст.
1972 ― Аляксандар Кулінковіч, беларускі рок-музыка, лідэр гурта Neuro Dubel.
У гэты дзень памерлі
1800 --Аляксандар Сувораў, расейскі вайсковец.
1910 -- Эліза Ажэшка, польска-беларуская пісьменьніца.
Мінус 365
Статкевіч — Эўропе: «Не давайце рэжыму грошай, інакш будуць новыя палітвязьні»
Палітвязень Мікіта Ліхавід трапіў у карцэр
Менскія тралейбусы зламаліся ў Малдове
Хочаце крэдыт? Прадайце "фамільнае срэбра"!
Цытата на памяць
“Беларусы ў прынцыпе нацыя памяркоўная. А шалёнасьць нашая ў тым, што, паводле словаў аднаго добрага чалавека, у беларуса заўсёды дуля ў кішэні. І шалёнасьць наша ў тым і палягае: у беларуса заўсёды ёсьць дуля ў кішэні. “