Лінкі ўнівэрсальнага доступу

Грэцыя: перамовы аб урадзе – бяз посьпеху


Лідэр грэцкіх сацыялістаў Эвангеляс Вэнізэляс (зьлева) і кансэрватараў Антаніс Самарас пасьля парлямэнцкіх выбараў страцілі бальшыню, неабходную для фармаваньня ўраду. Цяпер ім патрэбная падтрымка трэцяй партыі.
Лідэр грэцкіх сацыялістаў Эвангеляс Вэнізэляс (зьлева) і кансэрватараў Антаніс Самарас пасьля парлямэнцкіх выбараў страцілі бальшыню, неабходную для фармаваньня ўраду. Цяпер ім патрэбная падтрымка трэцяй партыі.

Партыя "Дэмакратычныя левыя" зьняпраўдзіла паведамленні аб сваёй згодзе на стварэньне кааліцыі з адной з трох найбуйнейшых партыяў.

У Грэцыі перамовы аб стварэньні ўрадавай кааліцыі ідуць пакуль што беспасьпяхова.

Партыя "Дэмакратычныя левыя" зьняпраўдзіла паведамленні аб сваёй згодзе на стварэньне кааліцыі з адной з трох найбуйнейшых партыяў.

Перамовы аб фармаваньні новага кабінэту працягваюцца. Іх вядзе прэзыдэнт Грэцыі Караляс Папульяс зь лідэрамі ўсіх сямі партыяў, якія прайшлі ў парлямэнт.

Сацыялісты і "Новая дэмакратыя", што выступаюць за скарачэньне бюджэтных выдаткаў узамен на міжнародную дапамогу, страцілі па выніках нядаўніх выбараў бальшыню ў парлямэнце. Цяпер для фармаваньня ўраду ім неабходная падтрымка адной з чатырох драбнейшых партыяў, што прайшлі ў парлямэнт.

Лідэры гэтых партыяў – ад камуністаў да нэафашыстоўцаў – пакуль адмаўляюцца ўступаць у прапанаваную ім кааліцыю, заяўляючы, што выступаюць за перагляд эканамічнай палітыкі і пагадненьняў зь міжнароднымі фінансавымі арганізацыямі.

Перамовы могуць працягвацца да чацьвярга, калі адкрываецца першая сэсія новага парлямэнту. Калі да таго часу ўрад сфармаваць ня ўдасца, ужо ў чэрвені могуць прайсьці датэрміновыя выбары.

Палітычны пат у Грэцыі затрымлівае крокі бюджэтнай эканоміі, канечне патрэбныя для атрыманьня міжнароднай дапамогі. Гэта пагражае Афінам дэфолтам, які, паводле аналітыкаў, можа справакаваць новую хвалю эканамічнай рэцэсіі ўва ўсёй Эўропе.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG