Лінкі ўнівэрсальнага доступу

Сяргей Каваленка аднавіў галадоўку


Сяргей Каваленка, фота з часу яго знаходжаньня ў Навінках.

Сяргей Каваленка, фота з часу яго знаходжаньня ў Навінках.

Паводле жонкі Сяргея Каваленкі Алены Каваленкі, яе муж 8 траўня аднавіў галадоўку пратэсту супраць незаконнага, як ён лічыць, прысуду.

«Да гэтага патрабаваньня ён дадаў патрабаваньні вызваліць усіх палітвязьняў і даць свабоду нацыянальнай сымболіцы.

Сяргея зьмясьцілі ў той самы ізалятар у Віцебску, дзе ў сьнежні адносна яго чынілі правакацыі. Ён у вельмі дрэнным фізычным стане, але яму адмаўляюць у кваліфікаванай мэдычнай дапамозе.

Згодна з Канвэнцыяй правоў чалавека, якую падпісала Беларусь і з Канстытуцыяй нашай краіны кожны чалавек мае права на медычную дапамогу, дзе б ён ні знаходзіўся, калі ёсць для гэтага мэдычныя паказаньні, а ў Сяргея яны вельмі сур’ёзныя.

Толькі чамусьці такога права ён пазбаўлены. За што яго зьнішчаюць? За любоў да Радзімы, роднай мовы і павагу да нацыянальных сымбаляў», — сказала «Свабодзе» Алена Каваленка.

Актывіст КХП-БНФ Сяргей Каваленка быў асуджаны на 2 гады і месяц зьняволеньня па абвінавачаньні ў парушэньні хатняй «хіміі», якую атрымаў за вывешваньне бел-чырвона-белага сьцяга на навагодняй яліне ў Віцебску. Зь сярэдзіны сьнежня да канца сакавіка зь перапынкам на 20 дзён Каваленка трымаў галадоўку, за час якой схуднеў да менш як 50 кіляграмаў вагі. Падчас знаходжаньня ў Навінках на псыхіятрычнай экспэртызе Каваленка набраў каля 10 кіляграмаў вагі. Колькі ён важыць цяпер, невядома.

Паказаць камэнтары

XS
SM
MD
LG