У інтэрнэце неўстаноўленага пакуль амапаўца ўжо ахрысьцілі мянушкай «травеньскі садыст».
Пра тое, што па факце зьбіцьця ўдзельніцы «Маршу мільёнаў» заведзеная крымінальная справа, журналістам паведаміў афіцыйны прадстаўнік сьледчага камітэту Расеі Ўладзімер Маркін:
— У межах крымінальнай справы прымаюцца меры да ўстанаўленьня сьведак здарэньня, а таксама канкрэтных супрацоўнікаў сталічнай паліцыі, якія ўжылі гвалт у дачыненьні да дзяўчыны. Акрамя таго, сьледчым трэба будзе высьветліць іншыя абставіны здарэньня, — сказаў Уладзімер Маркін.
Сваю службовую праверку ініцыявала і маскоўская паліцыя. У прэс-службе галоўнага ўпраўленьня МУС па Маскве ў пятніцу паведамілі, што правераныя былі ўсе супрацоўнікі АМАПу гарнізону сталічнай паліцыі, якія 6 траўня несьлі службу ў раёне Балотнай плошчы. Паводле папярэдніх дадзеных, ніводзін зь іх ня быў пазнаны на распаўсюджаным у інтэрнэце відэа зьбіцьця ўдзельніцы акцыі пратэсту.
Кампанію па прыцягненьню грамадзкай увагі да гэтага інцыдэнту ініцыяваў блогер Алег Козыраў. На сваёй старонцы ў «ЖЖ» ён апублікаваў відэазапіс, на якім відаць, як супрацоўнікі АМАПу валакуць па асфальце ўдзельніка маршу мільёнаў. Іншы паліцэйскі паварочваецца да іх і б’е затрыманага нагой у вобласьць жывата. Козыраў заклікаў карыстальнікаў інтэрнэту садзейнічаць усталяваньню асобы амапаўца, якога ён назваў травеньскім садыстам і параўнаў з «жамчужным прапаршчыкам» Алегам Бойкам. Бойка, які зьбіў чалавека на несанкцыянаваным мітынгу ля Гасьцінага Двара ў Пецярбургу 31 ліпеня 2010 г. і быў прызнаны судом вінаватым у перавышэньні службовых паўнамоцтваў з ужываньнем гвалту, атрымаў даволі мяккае пакараньне — 3,5 гады пазбаўленьня волі ўмоўна, пры тым, што пракурор прасіў для яго 4 гады ў калёніі-паселішчы.
Як паведамляюць у маскоўскіх праваахоўных органах, пакуль што ўдзельніца ці ўдзельнік маршу мільёнаў, якога б’юць на відэа, у паліцыю не зьвяртаўся. Таксама да гэтага часу не аб’явіўся ніводзін сьведка.
Пра тое, што па факце зьбіцьця ўдзельніцы «Маршу мільёнаў» заведзеная крымінальная справа, журналістам паведаміў афіцыйны прадстаўнік сьледчага камітэту Расеі Ўладзімер Маркін:
— У межах крымінальнай справы прымаюцца меры да ўстанаўленьня сьведак здарэньня, а таксама канкрэтных супрацоўнікаў сталічнай паліцыі, якія ўжылі гвалт у дачыненьні да дзяўчыны. Акрамя таго, сьледчым трэба будзе высьветліць іншыя абставіны здарэньня, — сказаў Уладзімер Маркін.
Сваю службовую праверку ініцыявала і маскоўская паліцыя. У прэс-службе галоўнага ўпраўленьня МУС па Маскве ў пятніцу паведамілі, што правераныя былі ўсе супрацоўнікі АМАПу гарнізону сталічнай паліцыі, якія 6 траўня несьлі службу ў раёне Балотнай плошчы. Паводле папярэдніх дадзеных, ніводзін зь іх ня быў пазнаны на распаўсюджаным у інтэрнэце відэа зьбіцьця ўдзельніцы акцыі пратэсту.
Кампанію па прыцягненьню грамадзкай увагі да гэтага інцыдэнту ініцыяваў блогер Алег Козыраў. На сваёй старонцы ў «ЖЖ» ён апублікаваў відэазапіс, на якім відаць, як супрацоўнікі АМАПу валакуць па асфальце ўдзельніка маршу мільёнаў. Іншы паліцэйскі паварочваецца да іх і б’е затрыманага нагой у вобласьць жывата. Козыраў заклікаў карыстальнікаў інтэрнэту садзейнічаць усталяваньню асобы амапаўца, якога ён назваў травеньскім садыстам і параўнаў з «жамчужным прапаршчыкам» Алегам Бойкам. Бойка, які зьбіў чалавека на несанкцыянаваным мітынгу ля Гасьцінага Двара ў Пецярбургу 31 ліпеня 2010 г. і быў прызнаны судом вінаватым у перавышэньні службовых паўнамоцтваў з ужываньнем гвалту, атрымаў даволі мяккае пакараньне — 3,5 гады пазбаўленьня волі ўмоўна, пры тым, што пракурор прасіў для яго 4 гады ў калёніі-паселішчы.
Як паведамляюць у маскоўскіх праваахоўных органах, пакуль што ўдзельніца ці ўдзельнік маршу мільёнаў, якога б’юць на відэа, у паліцыю не зьвяртаўся. Таксама да гэтага часу не аб’явіўся ніводзін сьведка.
