Лінкі ўнівэрсальнага доступу

У Эгіпце прайшлі першыя тэледэбаты кандыдатаў у прэзыдэнты


Амр Муса і Абдэль-Мэнэм Абуль-Футух

Амр Муса і Абдэль-Мэнэм Абуль-Футух

У Эгіпце ўчора ўпершыню ў гісторыі гэтай краіны адбыліся тэледэбаты паміж двума вядучымі кандыдатамі ў прэзыдэнты. У студыі вялі дыскусію былы міністар замежных спраў Амр Муса і памяркоўны ісламіст Абдэль-Мэнэм Абуль-Футух.

Першы тур прэзыдэнцкіх выбараў у Эгіпце пройдзе 23-24 траўня. Калі падчас яго ня будзе абраны кіраўнік дзяржавы, то 16-17 чэрвеня адбудзецца другі тур (туды выходзяць два кандыдаты, якія набралі найбольшую колькасьць галасоў.)

На вышэйшую пасаду ў краіне балятуюцца 13 кандыдатаў. Як чакаецца, пасьля выбараў вайсковае кіраўніцтва краіны перадасьць уладу цывільнаму ўраду. Гэта будуць першыя прэзыдэнцкія выбары ў Эгіпце пасьля зьвяржэньня прэзыдэнта Хосьні Мубарака ў выніку масавых народных выступаў летась у лютым.
XS
SM
MD
LG