Лінкі ўнівэрсальнага доступу

logo-print

Алесь Бяляцкі шмат лістуецца зь сябрамі, як і Зьміцер Дашкевіч


Ад Зьмітра Дашкевіча, як і ад Алеся Бяляцкага, прыходзяць лісты сваякам, але асаблівых навінаў у іх няма, бо турэмнае жыцьцё аднолькавае.

Жонка Бяляцкага Натальля Пінчук кажа:

«Лісты ад яго ідуць рэгулярна. Ён шмат піша іншым людзям, віншуе кагосьці з рознымі падзеямі і таму просіць даслаць яму паштовак, якіх там, відаць, не прадаюць. Таму вось зараз буду купляць для яго паштоўкі».

А вось што паведаміла пра Дашкевіча ягоная нявеста Наста Палажанка:

«Яму я шмат дасылаю рознай літаратуры, пакуль ён у ПКТ, то мае магчымасьць чытаць. А больш навінаў няма. Аб прэміі напішыце, ён пра яе яшчэ ня ведае».

Днямі стала вядома, што моладзевыя арганізацыі Эўрапейскай народнай партыі ўзнагародзілі Зьмітра Дашкевіча прэміяй Свабоды. Гэтак адзначана мужнае змаганьне Дашкевіча за дэмакратыю ў Беларусі.
XS
SM
MD
LG