Лінкі ўнівэрсальнага доступу

logo-print
Былы прэм'ер-міністар Украіны Юлія Цімашэнка мае намер спыніць галадоўку, а таксама пагадзіцца на перавод з Качаноўскі калёніі ў бальніцу ў Харкаве, дзе яе будзе лячыць лекар зь Нямеччыны, перадае ВВС.

Пра гэта распавяла дачка палітыка Яўгенія Кар.

Цімашэнка пачала галадоўку ў канцы красавіка пасьля таго, як, паводле яе, была зьбітая пры транспартоўцы з калёніі ў бальніцу.

Раней стала вядома аб тым, што ўкраінскія ўлады адклалі саміт краін Цэнтральнай Эўропы ў Ялце, на які адмовіліся ехаць большасьць запрошаных на знак пратэсту супраць жорсткага абыходжаньня з Цімашэнкай.
XS
SM
MD
LG