Лінкі ўнівэрсальнага доступу

Улады ЗША прынялі рашэньне выставіць частку дакумэнтаў, знойдзеных у пакістанскім доме лідэра «Аль-Каеды» Асамы бін Лядэна падчас яго зьнішчэньня.

Як паведамляе Associated Press, выстава будзе арганізаваная ў Антытэрарыстычным цэнтры ў Вайсковай акадэміі ЗША, штат Нью-Ёрк.

Якія менавіта дакумэнты будуць прадстаўленыя публіцы, не ўдакладняецца. Таксама пакуль невядомая дата, калі адкрыецца выстава. Паведамляецца толькі, што гэта адбудзецца на гэтым тыдні. Між тым, 2 траўня споўніцца год з моманту ліквідацыі бін Лядэна.

Пра рассакрэчваньне часткі дакумэнтаў, знойдзеных у доме былога «тэрарыста нумар адзін» 29 красавіка пісала газэта The Guardian. У прыватнасьці, выданьне выказала здагадку, што адкрытымі могуць быць інструкцыі, надыктаваныя бін Лядэнам, у якіх ён заклікаў пасьлядоўнікаў больш уважліва выбіраць ахвяраў тэрактаў.
XS
SM
MD
LG