Лінкі ўнівэрсальнага доступу

Бліц-агляд падзеяў у Беларусі, сьвеце, гісторыі.

НАДВОР'Е

У Беларусі пахмурна, тэмпэратура – да 17 градусаў цяпла.

У ГЭТЫ ДЗЕНЬ У СЬВЕЦЕ

У Гановэры (Нямеччына) – прамысловы кірмаш HANNOVER MESSE 2012, на якім будзе прадстаўленая і навукова-тэхнічная прадукцыя БДУ.

У Чыкага распачынаецца Ўсясьветны саміт ляўрэатаў Нобэлеўскай прэміі міру.

У вечаровым эфіры Рыдыё Свабода – «Зона Свабоды» – штотыднёвая аналітычная перадача на незалежным тэлеканале Белсат. Сярод тэмаў – вызваленьне Саньнікава і Бандарэнкі і рэакцыя Эўропы. У перадачы, якую вядзе Алена Ціхановіч, удзельнічаюць Франак Вячорка, Юры Дракахруст і Ян Максімюк.

А таксама – «Праскі акцэнт». Актуальныя падзеі абмяркоўваюць намесьнік дырэктара польскага Цэнтру міжнародных адносінаў Войцех Смалінскі, шэф-рэдактар газэты «Народная воля» Сьвятлана Калінкіна і аглядальнік расейскай службы нашага радыё Вадзім Дубноў.

ТАКСАМА Ў ГЭТЫ ДЗЕНЬ

Усясьветны дзень кнігі і абароны аўтарскага права.

Гэты дзень у гісторыі:

1586 – Нясьвіж атрымаў магдэбурскае права і герб.

1794 – утварылася Найвышэйшая літоўская рада – рэвалюцыйны ўрад ВКЛ падчас паўстаньня Тадэвуша Касьцюшкі.

1917 – спэктаклямі «Паўлінка» Я. Купалы і «Ў зімовы вечар» Э. Ажэшкі ў Менску адкрылася Першае беларускае таварыства драмы і камэдыі.

2007 – утвораны беларускамоўны канал спадарожнікавага тэлебачаньня «Белсат»

У гэты дзень нарадзіліся:

1886 – Зьмітрок Бядуля, беларускі пісьменьнік.

1891 – Сяргей Пракоф'еў, расейскі кампазытар.

1904 – Паўлюк Трус, беларускі паэт.

1934 – Уладзімер Конан, беларускі філёзаф, гісторык, літаратурны крытык.

1940 – беларускі пісьменьнік Віктар Казько.

У гэты дзень памерлі:

1564 – Уільям Шэксьпір, ангельскі драматург і паэт.

1991 – Зьміцер Касмовіч, беларускі грамадзка-палітычны дзяяч, выдавец.

2004 – паэт Алесь Пісьмянкоў.

2007 – Барыс Ельцын, прэзыдэнт Расеі.

ЦЫТАТА НА ПАМЯЦЬ:

Урэшце перамагаюць прарокі.
Уладзімер Конан

ГОД ТАМУ Ў ЗАГАЛОЎКАХ НА САЙЦЕ «СВАБОДЫ»:

Япіскап Сьвятаслаў Логін: чужыя цэрквы ня будуць маліцца за нас

Айцец Аляксандар Надсан: адмовімся ад нянавісьці да таго, хто нас крыжуе

Расея раіць Беларусі паскардзіцца на Літву ў МАГАТЭ
XS
SM
MD
LG