Палітолягі лічаць, што для дачыненьняў Беларусі і Эўразьвязу вельмі важным стане паседжаньне міністраў замежных спраў краінаў Эўрапейскага зьвязу. Яно прызначанае на панядзелак 23 красавіка ў Люксэмбургу. Гэта дало падставу журналістам спытаць сёньня на брыфінгу прэсавага сакратара зьнешнепалітычнага ведамства Беларусі Андрэя Савіных: ці магчымае вяртаньне эўрапейскіх амбасадараў у Менск, калі Эўразьвяз у панядзелак ня прыме новых санкцыяў?
Спадар Савіных сказаў, што пазыцыя Беларусі застаецца нязьменнай:
«Я думаю, што пазыцыі па дадзеным пытаньні ўжо добра выкладзеныя з абодвух бакоў. Дадаваць да гэтага пакуль нічога не патрэбна. Час пакажа».
Міністар замежных спраў Славаччыны Міраслаў Лайчак тлумачыць неабходнасьць вяртаньня амбасадараў краінаў Эўразьвязу ў Беларусь так:
«Ужо час вяртацца амбасадарам, бо нам трэба, каб амбасадары рабілі сваю працу. Яны не павінны быць часткай палітычнай спрэчкі паміж Эўразьвязам і Беларусьсю».
Як крок Эўразьвязу насустрач Беларусі ацэньвае гэтыя словы дацэнт Маскоўскага дзяржаўнага інстытуту міжнародных дачыненьняў Кірыл Коктыш:
«Гэта відавочная прапанова пра тое, што трэба аднавіць дачыненьні да таго роўню, які быў да пачатку канфлікту. І такі рух, такі ход быў даволі прадказальны. Бо варожасьць і канфрантацыя наўрад ці ўваходзілі ў пляны Брусэля. Гэта была ўвогуле ініцыятыва Менску».
Сытуацыя, калі амбасадар нават адной краіны пакідае дзяржаву, дзе ён працуе, ужо трывожная — адзначае былы беларускі дыплямат Міхаіл Бацян:
«Кожны амбасадар, як гэта кажуць, у сабе ўвасабляе сваю дзяржаву. У дыпляматыі ёсьць такое паняцьце, як прадстаўнічыя функцыі. І калі ён выехаў з краіны ў такім кантэксьце, як гэта адбылося ў нас, значыць, і тая дзяржава ў дадзены момант ня хоча мець з намі занадта добрыя стасункі. А гэта вельмі дрэнна. І такія справы павінны вырашацца толькі празь перамовы. І, як мне падаецца, тут ня трэба ставіць ніякіх перадумоваў».
Пакуль жа абодва бакі асьцярожнічаюць. Пра гэта сьведчыць і такі факт — сёньня Андрэй Савіных на пытаньне, калі вернуцца ў Варшаву і Брусэль беларускія амбасадары, адказаў так:
«Гэтае пытаньне знаходзіцца ў стадыі разгляду».
Цікава, што два тыдні таму на гэтае ж самае пытаньне Андрэй Савіных адказаў гэтымі ж словамі.
На пачатку 2012 году афіцыйны Менск адклікаў сваіх амбасадараў з Варшавы і Брусэлю ў адказ на пашырэньне візавых санкцыяў з боку Эўразьвязу. Амбасадару Польшчы і кіраўніку прадстаўніцтва Эўразьвязу ў Беларусі беларускія ўлады прапанавалі выехаць у свае краіны для кансультацыяў. У адказ краіны Эўразьвязу таксама адклікалі сваіх амбасадараў зь Менску.
Спадар Савіных сказаў, што пазыцыя Беларусі застаецца нязьменнай:
«Я думаю, што пазыцыі па дадзеным пытаньні ўжо добра выкладзеныя з абодвух бакоў. Дадаваць да гэтага пакуль нічога не патрэбна. Час пакажа».
Міністар замежных спраў Славаччыны Міраслаў Лайчак тлумачыць неабходнасьць вяртаньня амбасадараў краінаў Эўразьвязу ў Беларусь так:
«Ужо час вяртацца амбасадарам, бо нам трэба, каб амбасадары рабілі сваю працу. Яны не павінны быць часткай палітычнай спрэчкі паміж Эўразьвязам і Беларусьсю».
Як крок Эўразьвязу насустрач Беларусі ацэньвае гэтыя словы дацэнт Маскоўскага дзяржаўнага інстытуту міжнародных дачыненьняў Кірыл Коктыш:
«Гэта відавочная прапанова пра тое, што трэба аднавіць дачыненьні да таго роўню, які быў да пачатку канфлікту. І такі рух, такі ход быў даволі прадказальны. Бо варожасьць і канфрантацыя наўрад ці ўваходзілі ў пляны Брусэля. Гэта была ўвогуле ініцыятыва Менску».
Варожасьць і канфрантацыя наўрад ці ўваходзілі ў пляны Брусэля.
Сытуацыя, калі амбасадар нават адной краіны пакідае дзяржаву, дзе ён працуе, ужо трывожная — адзначае былы беларускі дыплямат Міхаіл Бацян:
«Кожны амбасадар, як гэта кажуць, у сабе ўвасабляе сваю дзяржаву. У дыпляматыі ёсьць такое паняцьце, як прадстаўнічыя функцыі. І калі ён выехаў з краіны ў такім кантэксьце, як гэта адбылося ў нас, значыць, і тая дзяржава ў дадзены момант ня хоча мець з намі занадта добрыя стасункі. А гэта вельмі дрэнна. І такія справы павінны вырашацца толькі празь перамовы. І, як мне падаецца, тут ня трэба ставіць ніякіх перадумоваў».
Пакуль жа абодва бакі асьцярожнічаюць. Пра гэта сьведчыць і такі факт — сёньня Андрэй Савіных на пытаньне, калі вернуцца ў Варшаву і Брусэль беларускія амбасадары, адказаў так:
«Гэтае пытаньне знаходзіцца ў стадыі разгляду».
Цікава, што два тыдні таму на гэтае ж самае пытаньне Андрэй Савіных адказаў гэтымі ж словамі.
На пачатку 2012 году афіцыйны Менск адклікаў сваіх амбасадараў з Варшавы і Брусэлю ў адказ на пашырэньне візавых санкцыяў з боку Эўразьвязу. Амбасадару Польшчы і кіраўніку прадстаўніцтва Эўразьвязу ў Беларусі беларускія ўлады прапанавалі выехаць у свае краіны для кансультацыяў. У адказ краіны Эўразьвязу таксама адклікалі сваіх амбасадараў зь Менску.
