Лінкі ўнівэрсальнага доступу

Як Шушкевіч вырваўся ў Вашынгтон


Сёньняшняе выданьне The Washington Post --> http://www.washingtonpost.com/blogs/post-partisan/post/from-belarus-a-cry-for-help/2012/03/30/gIQAhvzblS_blog.html  напісала, як былому кіраўніку беларускай дзяржавы Станіславу Шушкевічу ўдалося на мінулым тыдні выехаць зь Беларусі і дабрацца да Вашынгтону.

Наведаўшы рэдакцыю газэты ў Вашынгтоне, Шушкевіч распавёў, што ён — ведаючы, што ягоны мабільны тэлефон праслухоўваецца беларускімі спэцслужбамі — абзвоньваў сваіх знаёмых і сяброў, паведамляючы ім, калі і на якім цягніку ён зьбіраецца ехаць у Маскву. А насамрэч Станіслаў Станіслававіч перасек беларуска-расейскую мяжу ў аўтамашыне, потым уехаў у Латвію, адтуль у Літву, а зь Літвы вылецеў самалётам у ЗША.

Шушкевіч адзначыў у размове ў рэдакцыі The Washington Post, што амэрыканскія санкцыі ў дачыненьні да Беларусі аказаліся ў мінулым больш эфэктыўнымі за эўрапейскія, паколькі дапамаглі вызваліць некаторых апанэнтаў рэжыму. Але, на думку Шушкевіча, па-сапраўднаму ЗША могуць паўплываць на Аляксандра Лукашэнку толькі праз Маскву.

«Нічога нельга зрабіць без Масквы. Амэрыканцы маглі б — але ніколі гэтага ня робяць — націснуць на Пуціна, каб ён выконваў абавязаньні, якія падпісаў у шмат якіх дакумэнтах адносна правоў чалавека,» — сказаў Станіслаў Шушкевіч вашынгтонскай газэце.

Станіслаў Шушкевіч лятаў у ЗША на ўручэньне прэстыжнага "Мэдаля Свабоды" Трумэна-Рэйгана. Раней гэтую ўзнагароду атрымалі Ян Павал ІІ, Вітаўтас Ландсбэргіс, Вацлаў Гавэл. Таксама Шушкевіч сустракаўся з прадстаўнікамі Дзярждэпартамэнту ЗША і палітыкамі, выступаў зь лекцыямі ў шэрагу амэрыканскіх унівэрсытэтаў.

Выехаць зь Беларусі яму ўдалося не адразу. 18 сакавіка на станцыі Гудагай на беларуска-літоўскай мяжы яго ссадзілі зь цягніка «Менск — Вільня». Палітыку паведамілі,што яго імя ўключана ў сьпіс невыязных. Пасьля гэтага яму давялося шукаць іншыя магчымасьці перасячэньня беларускай мяжы.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG