Лінкі ўнівэрсальнага доступу

Сяргей Балыкін адмовіўся ад удзелу ў зьезьдзе АГП


Сяргей Балыкін

Сяргей Балыкін

Старшыня Асацыяцыі малога і сярэдняга прадпрымальніцтва, сябра Аб’яднанай грамадзянскай партыі Сяргей Балыкін, абраны дэлегатам зьезду АГП, адмовіўся у ім ўдзельнічаць.

Балыкін: «Можна з упэўненасьцю сказаць, што краіна стаіць на парозе грандыёзнага „расьпілоўваньня“ дзяржаўнай уласнасьці. Пра гэта відавочна сьведчаць апошнія заявы кіраўніцтва Беларусі. Не выклікае сумненьня, што гэтае „расьпілоўваньне“ адбудзецца па найгоршым сцэнары: на чужых умовах, каб вырашыць бягучыя пытаньні». «Трэба разумець, што сапраўдная незалежнасьць дзяржавы вызначаецца яе эканамічнай магутнасьцю. Рознага кшталту атрыбутыка: герб, сцяг, мова— другасная і дэкаратыўная».

«Па маім глыбокім перакананьні, Аб’яднаная грамадзянская партыя магла б стаць арганізацыяй, якая артыкулюе праблемы грамадзтва, задае нязручныя пытаньні ўладзе і прапануе рэальную кіраўніцкую альтэрнатыву. Аднак, на вялікі жаль, АГП самаўхіляецца ад гэтай ролі і паступова ператвараецца ў закрыты каляпалітычны дыскусыйны клюб. Замест таго каб дакладна разабрацца і абнародаваць для грамадскасьці схемы „расьпілоўваньня“ ўласнасьці, вываду актываў і іншыя праблемы, АГП абмяжоўваецца нейкімі дзяжурнымі заявамі і ўдзелам у незразумелых і загадзя правальных кампаніях, напрыклад, па актыўным байкоце выбараў».

«У такіх умовах я не магу ўдзельнічаць у чарговым палітычным шоу пад назвай „зьезд АГП“, на якім ня будзе прынята ніякіх сур’ёзных рашэньняў, нягледзячы на тое, што быў абраны яго дэлегатам», паведамляе БелаПАН.

Паказаць камэнтары

XS
SM
MD
LG