Лінкі ўнівэрсальнага доступу

Амбасадары могуць вярнуцца пасьля Вялікадня


Пра тое, што амбасадары ЭЗ павінны вярнуцца ў Беларусь пасьля велікодных вакацыяў, паведамляе брусэльскае выданьне EUobserver. Гэта пры ўмове, калі будзе жывым палітвязень-галадоўнік Сяргей Каваленка.

Карэспандэнт EUobserver спасылаецца на крыніцы ў эўрапейскіх дыпляматычных колах, якія кажуць, што рашэньне аб вяртаньні амбасадараў у Менск было прынятае на пачатку гэтага тыдня пры зачыненых дзьвярах.

Як паведаміў брусэльскаму журналісту адзін з паслоў ЭЗ, пакуль ён не атрымаў указаньняў, аднак «калі бог дасьць, чакае іх у панядзелак, 2 красавіка».

Паводле суразмоўцаў EUobserver, вяртаньне кіраўнікоў эўрапейскіх замежнапалітычных місіяў у Беларусь ня трэба «разглядаць як палітычны падарунак: ЭЗ гатовы ўвесьці новыя санкцыі, калі сытуацыя не палепшыцца».

Таксама выказанае меркаваньне, што прысутнасьць амбасадараў «дапамагае больш эфэктыўна працаваць у Беларусі, забясьпечваць больш высокую якасьць справаздачнасьці».

Вяртаньне, аднак, магчымае пры ўмове, калі рэжым нічога ня ўчыніць і будзе жывым Сяргей Каваленка.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG