Лінкі ўнівэрсальнага доступу

Ужо панядзелак, 2 красавіка


Беларускі турэмны каляндар, Юлія Ляшкевіч

Беларускі турэмны каляндар, Юлія Ляшкевіч

Бліц-агляд падзеяў і тэмаў у Беларусі, сьвеце, гісторыі.

НА ДВАРЫ

Мокры сьнег, на дарогах месцамі галалёдзіца. Ноччу замаразкі, удзень ад нуля да сямі цяпла.

СЁНЬНЯ Ў БЕЛАРУСІ І СЬВЕЦЕ

У Менск на запрашэньне ўраду прыяжджае генэральны дырэктар МАГАТЭ Юкія Амана.

У сталічным гатэлі «Плянэта» адбудзецца прэс-канфэрэнцыя расейскага музыканта Барыса Грабеншчыкова.

У галерэі сучаснага мастацтва «Ў» – міжнародная дабрачынная выстава, прысьвечаная праблемам дзяцей-аўтыстаў.

ТАКСАМА Ў ГЭТЫ ДЗЕНЬ

1996 – Аляксандар Лукашэнка і Барыс Ельцын падпісалі ў Маскве дамову пра паглыбленьне інтэграцыі і ўтварэньне супольнасьці дзьвюх дзяржаў. Праз год была падпісаная дамова пра Саюз Беларусі і Расеі. У афіцыйным календары гэта «Дзень яднаньня народаў Беларусі і Расеі».

2007 – у Менску і Віцебску пахавалі беларускіх авіятараў, якія загінулі ў Самалі.

У гэты дзень нарадзіліся

1832 – Павал Баброўскі, беларускі гісторык і этнограф.

1885 – Сымон Рак-Міхайлоўскі, беларускі публіцыст, грамадзкі і палітычны дзяяч.

1904 – беларускі кінаапэратар Уладзімер Акуліч, вядомы па фільмах «Гадзіньнік спыніўся апоўначы», «Палеская легенда», «Рагаты бастыён».

1966 – Андрэй Кавалёў, беларускі хакеіст.

У гэты дзень памерлі

1995 – Пімен Панчанка, беларусі паэт.

2005 – Папа рымскі Ян Павал ІІ.

ЁСЬЦЬ НАГОДА

Міжнародны дзень дзіцячай кнігі. У гэты дзень у 1805 годзе нарадзіўся знакаміты дзіцячы пісьменьнік Ганс Хрысьціян Андэрсэн.

Сёньня таксама Сусьветны дзень распаўсюджаньня інфармацыі аб праблеме аўтызму – парушэньня разьвіцьця нэрвовай сыстэмы, якое праяўляецца ў дзяцінстве.

ЦЫТАТА НА ПАМЯЦЬ

Ня бойцеся!
Ян Павал ІІ

ГОД ТАМУ Ў ЗАГАЛОЎКАХ НА САЙЦЕ СВАБОДЫ:

Гулак: сытуацыя з правамі чалавека ў Беларусі стабільна цяжкая

Уладзімера Някляева ў суботу раніцай павезьлі ў КДБ

«Стратэгічна Расея зацікаўленая ў тармажэньні беларускага нацыятварэньня»
XS
SM
MD
LG