Берасьце: абласны суд адмяніў вырак за адмову ад дактыляскапіі

Абласны суд адмяніў рашэньне суду ніжэйшай інстанцыі, паводле якога спадар Казак павінен быў сплаціць 700 тысяч штрафу.

Віталь Казак адмаўляўся здаваць адбіткі пальцаў з рэлігійных перакананьняў. Замест гэтага ён нават здаў міліцыянтам вынікі ДНК-аналізу, але іх гэта не задаволіла.

У абласным судзе гэтая справа разглядалася ўжо другі раз. Да гэтага абласны суд накіроўваў яе на пераразгляд. Маскоўскі ж суд першы раз прысудзіў спадару Казаку 1 мільён 50 тысяч штрафу, а пасьля пераразгляду — 700 тысяч.

Віталь Казак кажа, што вынікам суду ён задаволены. Ён спадзяецца, што на гэтым справа скончыцца.