Лінкі ўнівэрсальнага доступу

Ад Каваленкі патрабуюць напісаць заяву аб выхадзе з галадоўкі


Сяргей Каваленка

Сяргей Каваленка

29 сакавіка ў калёніі «Віцьба-3» галадоўніка Сяргея Каваленку наведаў адвакат. «Зьвестак пра вынік яшчэ няма. Вядома, што ў калёніі чакаюць з суду дазволу на прымусовае кармленьне Сяргея. Ці прыйшоў дазвол, невядома», — паведаміла «Свабодзе» жонка вязьня Алена Каваленка.

Днём раней зь лекарам псыхіятрычнага шпіталя пры калёніі сустракалася маці Каваленкі Лідзія Ўладзіміраўна. Паводле яе зьвестак, на той момант яе сын важыў каля 49 кіляграмаў, але галадоўку спыніць адмаўляўся. «Ад майго сына патрабуюць напісаць заяву аб прыпыненьні галадоўкі, а да гэтага не аказваюць яму неабходнага лячэньня», — паведаміла Лідзія Каваленка.

Сяргей Каваленка галадуе з 20-дзённым перапынкам зь сярэдзіны сьнежня 2011 году. Актывіст КХП БНФ пратэстуе супроць пакараньня ў выглядзе 2 гадоў і месяца пазбаўленьня волі за парушэньне парадку адбыцьця хатняй «хіміі», якую ён атрымаў раней за вывешваньне бел-чырвона-белага сьцяга на навагодняй ёлцы ў Віцебску.

Паказаць камэнтары

XS
SM
MD
LG