Лінкі ўнівэрсальнага доступу

Бліц-агляд падзеяў і тэмаў у Беларусі, сьвеце, гісторыі.

НА ДВАРЫ

Халаднейшы вецер, ападкі, тэмпэратура днём ад 4 да 11, па паўднёвым захадзе – да 15 цяпла.

НЕ ПРАХОДЗЬЦЕ МІМА

У Нацыянальным мастацкім музэі – выстава адной карціны: Айвазоўскі, Бура.

У Нацыянальным цэнтры мастацкай творчасьці (вул. Кірава, 16 у Менску) конкурс маладых майстроў пляценьня з саломкі.

У Нацыянальнай бібліятэцы а 17-й – міжнародная выстава графікі «Арт-лінія».

У клюбе Re-public увечары зноў зьбіраюцца лепшыя дудары краіны.

ТАМ, ДЗЕ НАС НЯМА

У Брусэлі – дэбаты наконт плянаў прыняць у Эўразьвяз Сэрбію, Чарнагорыю і Косава.

У Лёндане фундацыя «Індэкс цэнзуры» абвесьціць сёлетніх ляўрэатаў Прэміі за свабоду выказваньняў.

ТАКСАМА Ў ГЭТЫ ДЗЕНЬ:

1958 – створанае Пастаяннае прадстаўніцтва Беларусі пры ААН.

1978 – менскі завод «Гарызонт» выпусьціў 5-мільённы тэлевізар.

1989 – прыняў першых пасажыраў міжнародны аэрапорт «Менск-2».

2006 – экс-прэзыдэнт Чэхіі Вацлаў Гавэл разам з групай сэнатараў і дэпутатаў прыехаў да беларускага пасольства ў Празе, каб перадаць пэтыцыю ў падтрымку беларускай дэмакратыі і з патрабаваньнем адстаўкі Аляксандра Лукашэнкі. Аднак аўтарытэтнага палітыка не сустрэлі і не ўпусьцілі за браму.

У гэты дзень нарадзіліся

1919 – беларуская пісьменьніца Вера Палтаран.

1934 – беларускі паэт, перакладчык, фальклярыст Кастусь Цьвірка.

1938 –Уладзімер Раговіч, беларускі харавы дырыжор, фальклярыст, пэдагог.

1941 – Фэлікс Гумен, мастак, заснавальнік віцебскай школы акварэлі.

1959 – сьпявак Якаў Навуменка.

У гэты дзень памерлі

1985 – у Францыі на 98-м годзе жыцьця – мастак Марк Шагал.

1995 – Чэслаў Найдзюк, беларускі грамадзкі дзяяч.

ЁСЬЦЬ НАГОДА

Дзень тылу Ўзброеных сіл Рэспублікі Беларусь.

ГОД ТАМУ Ў ЗАГАЛОЎКАХ НА САЙЦЕ СВАБОДЫ:

Міліцыянт пакрыўдзіўся, што апазыцыянэрка наступіла яму на нагу

Прагноз Камароўкі: Кадафі

«Аўтарадыё» аспрэчвае забарону на вяшчаньне

ЦЫТАТА НА ПАМЯЦЬ:

Але ў мяне было пачуцьцё, калі я застануся ў Віцебску, то абрасту поўсьцю і мохам.
З успамінаў Марка Шагала «Маё жыцьцё»
XS
SM
MD
LG