Лінкі ўнівэрсальнага доступу

Ізраіль спыніў кантакты з Радай ААН па правах чалавека


Ізраіль абвясьціў, што перарывае працоўныя адносіны з Радай ААН па правах чалавека — пасьля таго, як рада пачала праверкі захаваньня правоў чалавека ў габрэйскіх паселішчах на акупаваных тэрыторыях Усходняга берагу ракі Ярдан.

Прадстаўнік міністэрства замежных справаў Ізраіля абвясьціў аб гэтым рашэньні сёньня. Ён адзначыў, што прадстаўнікам Рады ААН ня будзе дазволена ўехаць на тэрыторыю Ізраіля.

Рада ААН па правах чалавека на мінулым тыдні асудзіла пашырэньне ізраільскіх паселішчаў на Ўсходнім беразе Ярдану і ва Ўсходнім Ерусаліме і вырашыла накіраваць туды экспэртаў для вывучэньня сытуацыі.

На тэрыторыях Усходняга берагу і ва Ўсходнім Ерусаліме, акупаваных Ізраілем у 1967 годзе, цяпер жывуць каля паўмільёна ізраільцаў і два з паловай мільёна палестынцаў.
XS
SM
MD
LG