Лінкі ўнівэрсальнага доступу

Бліц-агляд падзеяў і тэмаў у Беларусі, сьвеце, гісторыі.

НАДВОР'Е

У Беларусі чакаецца воблачнае надвор'е, тэмпэратура да плюс 12 градусаў.

НЕ ПРАПУСЬЦІЦЕ:

У літаратурным музэі Янкі Купалы – у межах Купалаўскага юбілейнага году – акцыя «Чытаем Купал разам». Творы вялікага паэта будуць чытаць людзі розных прафэсій (вул. Янкі Купалы, 4. Пачатак а 18.00).

Перадача «Паштовая скрынка 111» – агляд лістоў на Свабоду, які падрыхтаваў Валянцін Жданко. А таксама – перадача Аляксандры Дынько «Вашыя дзеці». Героі перадачы – сям’я мовазнаўца Зьмітра Саўкі. Спадар Зьміцер, бацька чатырох дзяцей, кажа, што размаўляць па-беларуску – гэта штодзённае супрацьстаяньне, якое можа быць не пад сілу дзіцяці. Як падтрымаць сваіх дзяцей у штодзённым змаганьні з навакольлем?

ГЭТЫ ДЗЕНЬ У ГІСТОРЫІ:

1659 – пастанова Сойму Рэчы Паспалітай аб біцьці меднага шэлега (барацінкі) і заснаваньні меньніцы ў Берасьці.

1943 – разам з жыхарамі спаленая Хатынь.

У гэты дзень нарадзіліся:

1609 – Ян Казімір Ваза, кароль Рэчы Паспалітай.

1786 – Яхім Лялевель, гісторык і грамадзкі дзяяч.

1865 – Уладзіслаў Сівы-Сівіцкі, беларускі паэт.

1882 – Эдуард Будзька, беларускі грамадзкі дзяяч, паэт, публіцыст, настаўнік.

1942 – Валеры Шчукін, праваабаронца, дэпутат ВС Беларусі 13-га скліканьня.

1957 – Яцак Качмарскі, культавы польскі бард часоў Салідарнасьці.

У гэты дзень памерлі:

1832 – Ёган Вольфганг Гётэ, нямецкі пісьменьнік, мысьляр.

1864 – Кастусь Каліноўскі, кіраўнік нацыянальна-вызвольнага паўстаньня 1863–1864 гадоў, публіцыст.

1986 – Ніна Каменская, беларускі гісторык.

2010 – Кастусь Тарасаў, беларускі пісьменьнік, гісторык, дзяяч нацыянальна-дэмакратычнага руху.

ЦЫТАТА НА ПАМЯЦЬ:

Бо я табе з-пад шыбеніцы кажу, Народзе, што тагды толькі зажывеш шчасьліва, калі над табою Маскаля ўжо ня будзе.
Кастусь Каліноўскі

ГОД ТАМУ НА САЙЦЕ СВАБОДЫ:

У Бабруйску затрыманьні за інфармацыю пра Дзень волі

Яўген Афнагель: «Байкот можа аб’яднаць тых, хто ня любіць гэтай улады»

МЗС Беларусі: Палітыка санкцый даказала беспэрспэктыўнасьць
XS
SM
MD
LG