Каля 30 чалавек прыйшлі вечарам 18 сакавіка да дому № 6 па вуліцы Рэпіна, дзе жыў Уладзіслаў Кавалёў.
У пад’езьдзе на лесьвічнай пляцоўцы яны паставілі партрэт Уладзіслава, а таксама запалілі сьвечкі.
Удзельнікі акцыі памяці сталі жывым ланцугом з другога да пятага паверху.
Памяць пра Ўладзіслава ўшанавалі хвілінай маўчаньня
Кожны з прысутных падыйшоў да Любові Кавалёвай, маці Ўладзіслава, і выказаў словы падтрымкі і спачуваньня
Нехта падарыў сям’і Кавалёвых абраз
Сябар сям’і Кавалёвых (зьлева) з маці Ўладзіслава Тацянай (справа).
Любоў Кавалёва
Тым часам ля пад’езду дзяжурыць машына з танаваным шклом, а раён вуліцы Рэпіна патрулююць узмоцненыя нарады міліцыі.
17 сакавіка стала вядома, што растраляныя абодва меркаваныя выканаўцы выбуху ў менскім мэтро — Дзьмітры Канавалаў і Ўладзіслаў Кавалёў
14 сакавіка зьявілася афіцыйная інфармацыя, што Аляксандар Лукашэнка не памілаваў Уладзіслава Кавалёва і Дзьмітрыя Канавалава.
30 лістапада 2011 году Вярхоўны суд Беларусі прызнаў Кавалёва вінаватым у саўдзеле ў тэрарызьме і прысудзіў яго да сьмяротнага пакараньня. 7 сьнежня асуджаны падаў прашэньне аб памілаваньні на імя Лукашэнкі.
Дзьмітры Канавалаў, таксама асуджаны на сьмяротнае пакараньне паводле абвінавачаньня ў тэрарызьме па гэтай крымінальнай справе, прашэньне аб памілаваньні падаваць адмовіўся.
11 красавіка 2011 году на станцыі мэтро «Кастрычніцкая» спрацавала выбуховае прыстасаваньне. 11 чалавек загінулі на месцы, яшчэ чацьвёра памерлі ў шпіталях. Агулам пацярпела болей за 300 чалавек.
Міжнародныя грамадзкія і праваабарончыя арганізацыі заклікалі не караць сьмерцю Кавалёва і Канавалава, а таксама правесьці новае расьследваньне акалічнасьцяў выбуху з менскім мэтро
