Лінкі ўнівэрсальнага доступу

Марылюіза Бэк: «Бязьлітаснасьць Лукашэнкі ашаламляльная»


Марылюіза Бэк

Марылюіза Бэк

Такімі словамі пракамэнтавала дэпутатка Бундэстагу ад партыі зялёных Марылюіза Бэк адмову прэзыдэнта Лукашэнкі памілаваць асуджаных на сьмерць Дзьмітрыя Канавалава і Ўладзіслава Кавалёва.

У сваёй заяве сп-ня Бэк падкрэсьліла, што «такая бязьлітаснасьць выклікае ўсе большыя сумневы ў віне асуджаных».

«У выпадку выкананьня прысуду, — мяркуе нямецкі палітык, — стане відавочным, што вяртаньне Аляксандра Лукашэнкі зь ягонай суцэльнай непрымірымасьцю да эўрапейскіх каштоўнасьцяў як дзяржаўнага дзеяча ў сям’ю дэмакратычных дзяржаваў цалкам немагчымае».

Марылюіза Бэк прызнаецца, што міжнародныя санкцыі маюць, на жаль, малы ўплыў на беларускі рэжым у сувязі з падтрымкай яго з боку Расеі. «Цяпер у Захаду ў значнай ступені зьвязаныя рукі. Аднак вядома, што званок з Крамля мог бы паказаць Лукашэнку ягоныя межы».

Паказаць камэнтары

XS
SM
MD
LG