Лінкі ўнівэрсальнага доступу

Яшчэ адзін невыязны — Гары Паганяйла


Гары Паганяйла

Гары Паганяйла

Юрыст Беларускага Хэльсынскага камітэту Гары Паганяйла таксама апынуўся ў сьпісе невыязных зь Беларусі.

Пра гэта ён распавёў «Свабодзе»:

«Пасьля таго як зь Беларусі забаранілі выезд некаторым дэмакратычным актывістам, я напярэдадні сваёй паездкі за мяжу наведаў аддзел па грамадзянстве і міграцыі. Тут я дамогся, каб маё прозьвішча праверылі па базе невыязных. Для гэтага мне давялося дайсьці да начальніка аддзелу і пагражаць напісаньнем скаргі.

Я даведаўся, што зьвесткі пра мяне ў банк дадзеных прадстаўленыя Міністэрствам юстыцыі. На падставе адпаведнай справы аб банкруцтве, па якой я зьяўляюся патэнцыйным даўжніком. Рашэньне прынятае невядомым мне судом 5 сакавіка».
«У міністэрстве юстыцыі не працуе сэрвэр»

Гары Паганяйла паведаміў «Свабодзе», што ён ня змог атрымаць ніякай інфармацыі ў Мін’юсьце. Яму сказалі, што ў міністэрстве часова не працуе сэрвэр, а чалавека, які за яго адказвае, сёньня ня будзе на працы.

Гары Паганяйла, сказаў, што заўтра ён зьвернецца ў раённыя суды Менску па месцы знаходжаньня Міністэрства юстыцыі і Міністэрства ўнутраных спраў і падасьць пазоў на дзеяньні гэтых установаў.

Паказаць камэнтары

XS
SM
MD
LG