Лінкі ўнівэрсальнага доступу

logo-print

Жыхар Берасьця Віталь Казак аштрафаваны на 700 тысяч за тое, што не падпарадкаваўся міліцыянту. Спадар Казак адмовіўся здаваць адбіткі пальцаў.

Віталь Казак адмаўляўся ад дактыляскапіі з рэлігійных перакананьняў. Ён нават здаў міліцыянтам вынікі ДНК-аналізу, але іх гэта не задаволіла.

Гэта ўжо другі разгляд справы ў Маскоўскім судзе Берасьця. Першы раз Віталю Казаку прысудзілі 1 мільён 50 тысяч штрафу. Аднак ён з прысудам не пагадзіўся і падаў скаргу ў абласны суд. Скаргу Віталя Казака задаволілі, адмяніўшы той прысуд і накіраваўшы справу на пераразгляд.

Аднак на паўторным паседжаньні Маскоўскі суд прызнаў спадара Казака вінаватым у непадпарадкаваньні супрацоўнікам міліцыі. Хлопца аштрафавалі на 700 тысяч рублёў.

Віталь Казак з прысудам не пагадзіўся. Ён кажа, што ізноў будзе абскарджваць яго ў абласным судзе.
XS
SM
MD
LG