Лінкі ўнівэрсальнага доступу

Бліц-агляд падзеяў і тэмаў у Беларусі, сьвеце, гісторыі.

У СУБОТУ...

...і нядзелю будзе ветрана і адліжна, магчымы дождж са сьнегам. Тэмпэратура каля 0.

НЕ ПРАПУСЬЦІЦЕ:

У суботу ў эфіры Свабоды: а) «Гамбурскі рахунак Бахарэвіча» — эсе пра Міхася Лынькова; б) «Зона Свабоды» — аўдыёзапіс дыскусіі для Белсату, у якой расейскія прэзыдэнцкія выбары абмяркоўвалі Аляксандар Лукашук, Юры Дракахруст, Браян Уітмар і Кірыл Кобрын.

У нядзелю ў «Праскім акцэнце» Юры Дракахруст разважае на некалькі тэмаў: Чым ёсьць сьвята 8 сакавіка — сьвятам барацьбы за правы жанчын ці ўскоснай дэманстрацыяй іх няроўнасьці? Дыскрымінацыя жанчын — рэальнасьць ці выдумка фэміністак? Ці смачны боршч у Лідзіі Ярмошынай? Чым павінна ахвяраваць жанчына дзеля каханьня? Гэтыя тэмы разам з мадэратарам абмяркоўваюць заснавальніца мультымэдыя-часопісу «34» Ірына Віданава, сьпявачка Руся і культуроляг Юлія Чарняўская.

У ГЭТЫЯ ДНІ Ў БЕЛАРУСІ І Ў СЬВЕЦЕ:

10 сакавіка — дачнікі й жыхары Смалявіцкага раёну заплянавалі правесьці сход, каб абмеркаваць пляны ўладаў пабудаваць на тэрыторыі раёну кітайска-беларускі індустрыяльны парк. Арганізатары сходу выступаюць з ініцыятывай правесьці мясцовы рэфэрэндум на гэты конт.

10 сакавіка — у Барысаве мае адбыцца суд над актывістам Партыі БНФ Анатолем Аскеркам, на якога склалі адміністрацыйны пратакол за ўдзел у акцыі, прымеркаванай да дня нараджэньня палітвязьня Андрэя Саньнікава.

10 сакавіка — Парлямэнтарныя выбары ў Абхазіі.

11 сакавіка — канцэрт Сьвятаслава Вакарчука, лідэра ўкраінскага гурту «Акіян Эльзы», у Палацы рэспублікі ў Менску. Пачатак а 19.00.

11 сакавіка — Эўрапейскі дзень памяці пра ахвяры тэрарызму.

11 сакавіка — Дзень аднаўленьня незалежнасьці ў Літве.

***

Паважаныя наведнікі сайту! Дапамажыце больш поўна прадставіць беларускі дзень — дашліце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl.org.

ТАКСАМА Ў ГЭТЫЯ ДНІ:

10 сакавіка

1939 — у Менску адкрылі будынак Дзяpжаўнага тэатру, опэpы і балету Белаpyсi.

Нарадзіліся:

10 сакавіка

1926 — Васіль Супрун, ініцыятар заснаваньня і кіраўнік беларускага антысавецкага падпольля на тэрыторыі Заходняй Беларусі, паэт, краязнавец, археоляг.

1933 — Серафім Андраюк, літаратурны крытык.

1942 — Міхась Ткачоў, беларускі археоляг, гісторык архітэктуры, палітычны дзяяч.

11 сакавіка

1887 — Алесь Гарун, беларускі паэт.

1903 — Тодар Кляшторны, беларускі паэт

1911 — Леў Гарошка, беларускі рэлігійны дзяяч.

Памерлі:

10 сакавіка

2005 — Апанас Пятровіч Цыхун, беларускі пэдагог, краязнаўца, літаратар.

2011 — Янка Сіпакоў, беларускі пісьменьнік, перакладчык.

11 сакавіка

1941 — Аляксандар Уласаў, грамадзкі дзяяч, рэдактар першай беларускай газэты «Наша Ніва».

ЦЫТАТА НА ПАМЯЦЬ:

Хачу жыць,
Захлынацца і верыць.
Піць каханьня нязведаны боль...
Дай руку мне,
Дай вусны, дай сэрца,
Дай мне воч тваіх чад-алкаголь.
Сёньня п’яны вячэрнія далі,
Сёньня п’яна вячэрняя боль...
Прамінайце, юнацкія хвалі
Прамінайце жыцьцёвую мель.
Прамінайце, жыцьцёвыя стыні.
Хай заранкамі дні зіхацяць...
...Прамінайце!..
А ў гэтых прамінах
Ёсьць адвечная існасьць жыцьця:
Маладосьць —
Гэта дзіўная казка,
Непаўторная ў нашым жыцьці...
...Ападаюць
Чароўныя краскі,
Ападаюць,
Каб больш не цьвісьці...

Тодар Кляшторны


ГОД ТАМУ Ў ЗАГАЛОЎКАХ НА САЙЦЕ «СВАБОДЫ»:

H2О Law: Мы хочам паставіць Лукашэнку перад судом

Наста Палажанка атрымала прэмію Дзярждэпартамэнту ЗША

Беларуска-расейскі гандаль рабамі
XS
SM
MD
LG