Лінкі ўнівэрсальнага доступу

Лідэр сірыйскай апазыцыі адхіліў заклік Анана да дыялёгу з уладай


Кофі Анан

Кофі Анан

Сёньня кіраўнік апазыцыйнай Сірыйскай нацыянальнай рады Бурхан Галіоўн адхіліў заклік былога Генэральнага сакратара ААН Кофі Анана да дыялёгу паміж урадам Сірыі і апазыцыяй, заявіўшы, што дасягненьне палітычнага пагадненьня без ваеннага ціску на рэжым прэзыдэнта Башара Асада немагчымае.

Напярэдадні Кофі Анан, які прызначаны адмысловым пасланцам ААН і Лігі арабскіх дзяржаў у справе Сірыі, заклікаў да дыпляматычнага вырашэньня канфлікту ў гэтай краіне і перасьцярог ад паставак зброі сірыйскім паўстанцам.

Паводле інфармацыі сірыйскіх актывістаў, якія базуюцца на поўначы Лібану, сёньня раніцай у цэнтральнай правінцыі Хомс былі жорсткія баі паміж урадавымі войскамі і былымі вайскоўцамі, якія перайшлі на бок апазыцыі.
XS
SM
MD
LG