Лінкі ўнівэрсальнага доступу

Фэміністкі прысудзілі Ярмошынай «Залатога таракана»


Лідзія Ярмошына

Лідзія Ярмошына

Фэміністычная інцыятыўная група «Крапіва Беларуская» назвала пераможцаў прэмій і антыпрэмій сваёй ініцыятывы «Крапіва Беларуская».

«Крапіўнай галіной» у намінацыі «За ўнёсак у справу роўнапраўя» была ўзнагароджаная рэжысэр Хрысьціна Вязоўская за спэктакль «Маналёгі Вагіны». У намінацыі «Жанчыны, якія зьмяняюць грамадзтва» перамагла Марына Коктыш за адказ Лукашэнку «Дзякую, я адмоўлюся».

У антыпрэміі «Залаты таракан» у намінацыі «За сэксізм, эйблізм, гамафобныя, жонаненавісьніцкія і любыя іншыя дыскрымінацыйныя выказваньні і дзеяньні ў публічнай сфэры Беларусі» перамог Дзяніс Лінкус, былы функцыянэр РУУС, які, паводле слоў палітыка і фэміністкі Вольгі Карач, зьбіў яе і пагражаў згвалтаваньнем.

У намінацыі «Арганізацыі, заўважаныя ў дыскрымінацыі грамадзян Беларусі паводле прыкметы полу» «найлепшым» прызнанае віцебскае ДАІ, якое ў студзені 2012 году падрыхтавала падборку дарожных здарэньняў з удзелам аўтааматарак.

У намінацыі «Жанчыны, якія выявілі сябе ў дыскрымінацыі сясьцёр паводле полу» перамагла кіраўніца Цэнтравыбаркаму Лідзія Ярмошына. Яна назвала маладых беларусак «агіднымі маці, брыдкімі жонкамі, нядобрымі, неміласэрднымі людзьмі», паведамляе ініцыятыўная група «Крапіва беларуская».

Паказаць камэнтары

XS
SM
MD
LG