Лінкі ўнівэрсальнага доступу

Міністры «Ўсходняга партнэрства» сустракаюцца без Мартынава


Міністар замежных справаў Беларусі Сяргей Мартынаў ня будзе ўдзельнічаць у сустрэчы ў Празе міністраў замежных справаў краін Эўразьвязу і «Ўсходняга партнэрства».

Сустрэча адбываецца сёньня. Імя беларускага міністра не пазначанае ў сьпісе ўдзельнікаў нарады.

Сярод удзельнікаў — міністры замежных справаў пяці з шасьці краін партнэрства – Азербайджану, Армэніі, Грузіі, Малдовы і Ўкраіны. Міністры сустрэнуцца ў кіраўніцай зьнешняй палітыцы ЭЗ Кэтрын Эштан і камісара ЭЗ па пашырэньні Штэфанам Фюле. Нарада ў Празе адбываецца на фоне вострага дыпляматычнага канфлікту паміж афіцыйным Менскам і Эўразьвязам.

Прэсавы сакратар Міністэрства замежных спраў Беларусі Андрэй Савіных паведаміў «Свабодзе», што Беларусь ніяк не прадстаўленая на праскай сустрэчы.

«Мы прынялі рашэньне ў ёй не удзельнічаць» — сказаў афіцыйны прадстаўнік МЗС Беларусі.
XS
SM
MD
LG