Лінкі ўнівэрсальнага доступу

Царква і касьцёл — супраць указу Лукашэнкі


Аляксандар Лукашэнка з сынам у тураўскай царкве на Вялікдзень 2008 году.

Аляксандар Лукашэнка з сынам у тураўскай царкве на Вялікдзень 2008 году.

Рашэньне Лукашэнкі перанесьці працоўны дзень на нядзелю, 11 сакавіка, у Беларускай праваслаўнай царкве і касцёле ўспрынялі са зьдзіўленьнем.

Паводле ўказу Аляксандра Лукашэнкі № 119, у Беларусі працоўны дзень зь пятніцы, 9 сакавіка, пераносіцца на нядзелю 11 сакавіка. У прэс-службе Беларускай праваслаўнай царквы і ў сакратарыяце Канфэрэнцыі каталіцкіх біскупаў у Беларусі перанос працоўнага дня на нядзелю не падтрымліваюць:

«Нішто ня можа адмяніць запаветы Божыя. У нас шмат выпадкаў, калі людзей прымушаюць працаваць у выходныя. Вядома, гэта дрэнна. Вядома, мы гэтага не падтрымліваем», сказалі Tut.by у прэсавай службе БПЦ.

Не падтрымліваюць перанос працоўнага дня на нядзелю і ў сакратарыяце Канфэрэнцыі каталіцкіх біскупаў у Беларусі:

«Вядома, гэта не нармальна. Мы ведаем, што нядзеля — гэта дзень для сям’і, для адпачынку. А тут усё перакульваецца. Зразумела, ні зь якімі пратэстамі і апэляцыямі мы выступаць ня будзем, але гэта ненармальна».

Паказаць камэнтары

XS
SM
MD
LG