Лінкі ўнівэрсальнага доступу

Кастусёў: узмацняецца пагроза страты незалежнасьці


Рыгор Кастусёў

Рыгор Кастусёў

Былы кандыдат у прэзыдэнты, намесьнік старшыні Партыі БНФ Рыгор Кастусёў заявіў, што ад’езд паслоў Эўразьвязу ў яго як у грамадзяніна Беларусі выклікае хваляваньне.

«Як чалавек, які займаецца палітыкай, я павінен думаць пра лёс, пра будучыню нашай краіны. Зразумела, што цярпеньне Захаду лопаецца і гэтыя непрыгожыя крокі беларускіх уладаў, якія папярэднічалі гэтаму, на жаль, і вядуць да падобных вынікаў.

Ад усяго гэтага выйграе наша ўсходняя суседка. Ад гэтага выйграе толькі Крэмль, і, на жаль, яго мары збываюцца, яго памкненьні маюць станоўчы вынік. Спадзяюся, што беларускія ўлады зразумеюць свае памылкі і пастараюцца іх бліжэйшым часам выправіць. Бо ад падобных крокаў цярпіць наша краіна і беларускі народ. І яшчэ больш узмацняецца пагроза страты незалежнасьці, сувэрэнітэту нашай краіны».

Паказаць камэнтары

XS
SM
MD
LG