Міністар замежных справаў Фінляндыі Эркі Туоміоя сказаў карэспандэнту Радыё Свабода, што пазыцыя Славеніі адносна бізнэсоўца Юрыя Чыжа расчаравала амаль усіх у Радзе міністраў замежных справаў Эўразьвязу. Тым ня менш, дадаў фінскі палітык, Чыж яшчэ можа патрапіць у сьпіс неўязных:
«Так, мы расчараваныя [пазыцыяй Славеніі], і я думаю, што амаль усе ў Радзе былі расчараваныя. Але заўтра мы абвесьцім санкцыі супраць судзьдзяў, і мы вернемся да гэтага пытаньня празь некалькі тыдняў. Насамрэч усе пагаджаюцца, што трэба скласьці больш аб’ёмны сьпіс неўязных, і Чыж, безумоўна, будзе ўключаны ў яго ў будучыні».
