Лінкі ўнівэрсальнага доступу

У Туве, дзе сёньня адбыўся землятрус магнітудай 6,8, уводзіцца рэжым надзвычайнай сытуацыі. Адпаведнае распараджэньне даў кіраўнік рэспублікі Шалбан Кара-аол.

Інфармацыі аб ахвярах і разбурэньнях не паступала. Ёсьць паведамленьні аб тым, што рака Мерген выйшла зь берагоў і яе вада пагражае аднаму паселішчаў у Каа-Хемскім раёне Тувы. У некаторых населеных пунктах выяўляюцца расколіны ў будынках.

Паводле зьвестак Эўрапейска-Міжземнага тэхналягічнага цэнтру, эпіцэнтар землятрусу знаходзіўся за сто кілямэтраў на ўсход ад сталіцы рэспублікі Кызыла. На тэрыторыі горада адчуваліся падземныя штуршкі сілай 3-4 балы.

Падземныя штуршкі невялікай магнітуды зафіксаваныя і ў іншых рэгіёнах Усходняй Сібіры, у прыватнасьці – у Іркуцкай і Кемераўскай абласьцях, а таксама ў Хакасіі.

Гэта ўжо другі за апошнія два месяцы моцны землятрус з эпіцэнтрам у рэспубліцы Тува.
XS
SM
MD
LG