Лінкі ўнівэрсальнага доступу

Пуцін выступіў на мітынгу ў Лужніках


Кандыдат у прэзыдэнты Расеі Уладзімір Пуцін сёньня зьвярнуўся да сваіх прыхільнікаў на мітынгу «Абаронім Расею» на стадыёне «Лужнікі» ў Маскве.

Ён падзякаваў прысутным за падтрымку і заявіў, што лічыць іх сапраўднымі абаронцамі айчыны. Пуцін таксама сказаў, і заявіў, што не дапусьціць, каб хто-небудзь умешваўся ва ўнутраныя справы Расіі.

Раніцай у Маскву прыбыў цягнік з Сьвярдлоўскай вобласьці, на якім для ўдзелу ў мітынгу за Пуціна былі дастаўленыя каля 700 чалавек. Як паведамляе карэспандэнт Радыё Свабода, пасажыраў адправілі да месца акцыі на адмысловых аўтобусах.

Паводле ацэнак паліцыі, у мітынгу ў падтрымку Пуціна ўдзельнічалі больш за 130 тысяч чалавек.

Сёньня ж у Маскве свае акцыі правялі прыхільнікі іншых кандыдатаў у прэзыдэнты — лідэра КПРФ Генадзя Зюганава і лідэра ЛДПР Уладзіміра Жырыноўскага. Па розных дадзеных, на гэтыя мітынгі прыйшлі ад паўтары тысячы да трох тысяч чалавек.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG