Лінкі ўнівэрсальнага доступу

logo-print

Суд Маскоўскага раёну Менску прысудзіў былога палітвязьня, актывіста руху «Гавары праўду» Паўла Вінаградава на 10 сутак адміністратыўнага арышту

Судзьдзя Тацяна Матыль прызнала яго вінаватым ва ўдзеле ў несанкцыянаванай акцыі, якая прайшла яшчэ 10 лютага на плошчы Незалежнасьці ў Менску пад назвай «Игрушко митингуэ!»

Выступіў сьведка-міліцыянт, які заявіў, што бачыў, як Вінаградаў актыўна ўдзельнічаў у акцыі, выстаўляў цацкі. Сам Вінаградаў заявіў, што ён ня ўдзельнічаў у акцыі, а назіраў побач.

Таксама ў судзе Маскоўскага раёну затрымалі моладзевага актывіста Аляксандра Арцыбашава. Ён хацеў даць перадачу Паўлу Вінаградаву, і яго кудысьці адвёў міліцыянт.

Актывіст кампаніі «Гавары праўду» Павал Вінаградаў зьнік 21 лютага каля 17 гадзіны. Павал меўся сустрэцца са знаёмым у кавярні «Містраль» каля стадыёна «Дынама». Аднак у кавярні так і не зьявіўся. Затое стала вядома, што туды прыходзілі двое ў цывільным і шукалі чалавека ў белай куртцы, падобнага да Вінаградава.

Жонка зьніклага актывіста Сьвятлана і Міхаіл Пашкевіч, спрабуючы адшукаць Паўла, ужо пабывалі ў КДБ і ў аддзяленьні міліцыі Ленінскага раёну Менску, але ў абедзьвюх установах ім сказалі, што затрыманы па прозьвішчы Вінаградаў да іх не паступаў. Толькі ў 3.30 ночы Сьвятлане паведамілі, што муж — на Акрэсьціна.

Фота Facebook Андрэй Дзмітрыеў
XS
SM
MD
LG