Лінкі ўнівэрсальнага доступу

Стваральніка «Свабоднага рэгіёну» папярэдзіў КДБ


Яўген Парчынскі

Яўген Парчынскі

Полацкага актывіста Яўгена Парчынскага, сябра аргкамітэту па стварэньні грамадзкага аб’яднаньня «Свабодны рэгіён», выклікалі «на гутарку».

Спадар Парчынскі апавёў, што супрацоўнік КДБ распытваў пра ўдзел у акцыі «Рэвалюцыя праз сацыяльную сетку», а таксама наконт сайту «Свабодны рэгіён», які пачаў працаваць пару тыдняў таму:

«У мяне спыталі, ці ведаю я, што без акрэдытацыі журналісцкая дзейнасьць забароненая. Супрацоўнік КДБ згадаў і артыкулы Крымінальнага кодэксу, якія прадугледжваюць адказнасьць за дыскрэдытацыю Рэспублікі Беларусь у публікацыях, фота- і відэаматэрыялах і адказнасьць за абразу Аляксандра Лукашэнкі. Таксама мяне папярэдзілі пра адказнасьць за супрацоўніцтва з замежнымі СМІ без акрэдытацыі. А напрыканцы супрацоўнік КДБ шматзначна заўважыў: „Я спадзяюся, што гэта была нашая апошняя сустрэча“. Але я выдатна ўсьведамляю, што пад артыкулы, якія мне згадалі, можна „падвесьці“ ці ня кожнага другога незалежнага журналіста».
XS
SM
MD
LG