Лінкі ўнівэрсальнага доступу

У Берасьці падтрымаюць звольненага Алега Стахаевіча


Алег Стахаевіч

Алег Стахаевіч

Кіраўніца Берасьцейскага рэгіянальнага аддзяленьня прафсаюзу працаўнікоў радыёэлектроннай прамысловасьці (РЭП) Зінаіда Міхнюк падала заяўку на правядзеньне пікету ў падтрымку Алега Стахаевіча.

Падчас пікету 7 сакавіка актывісты прафсаюзу РЭП хочуць выказаць сваю салідарнасьць са звольненым кіраўніком суполкі Беларускага незалежнага прафсаюзу на мікашэвіцкім прадпрыемстве «Граніт» Алегам Стахаевічам.

Зінаіда Зінаіда Міхнюк

Зінаіда Міхнюк

перакананая, што яго звальненьне сфабрыкаванае:

«Мы ня можам заставацца ўбаку пасьля таго, як учора, 20 лютага, быў звольнены Алег Стахаевіч. Мы зь ім зьвязаліся па тэлефоне, выказалі яму сваю падтрымку і салідарнасьць. І вось вырашылі, што неабходна праявіць салідарнасьць і на справе.

Я бачу, што Алег баец, ён у добрым настроі, мне гэта падабаецца. Справа яго звальненьня — гэта замова. І я ў свой час была ў ягонай скуры, калі ў мяне забіралі пропуск і таксама не пускалі на завод „Цьветатрон“.

Але я думаю, што кіраўніцтва „Граніту“ рызыкуе, таму што гэтая справа стане вядомая і Міжнароднай арганізацыі працы. Гэта ж будзе разглядацца там як парушэньне правоў прафсаюзаў.

А людзі, якія падняліся з кален, яны ўжо на іх ня стануць, яны ўжо на правільным шляху».

Пікет плянуецца ў парку Воінаў-інтэрнацыяналістаў 7 сакавіка з 13-й да 15-й гадзіны. Мяркуецца, што ў ім возьме ўдзел каля 50 чалавек.

Паказаць камэнтары

XS
SM
MD
LG