Лінкі ўнівэрсальнага доступу

Гарадзенскія апазыцыянэры прынялі сумесную заяву па назіраньні за выбарамі


Усе без выключэньня апазыцыйныя структуры на Гарадзеншчыне дамовіліся вылучыць сябраў і прыхільнікаў сваіх арганізацый у выбарчыя камісіі, сумесна наладзіць назіраньне за выбарамі.

Прадстаўнікі апазыцыйных структураў чакаюць, што сёлетняя выбарчая кампанія будзе адбывацца ў складаных умовах што да свабодаў і магчымасьцяў кантролю за выбарамі.

Таму, перакананыя падпісанты, што любыя спробы супрацьпастаўляць розныя падыходы ў выкарыстаньні сёлетняй палітычнай кампаніі — бессэнсоўныя і шкодныя, скіраваныя на падзел дэмакратычных сілаў.

Лідэр абласной арганізацыі БНФ Вадзім Саранчукоў заўважыў, што дамова далася няпроста, але задаволены тым, што ва ўсіх ёсьць яснае ўяўленьне: надзвычай важна каардынаваць дзеяньні ўсіх дэмакратычных рухаў і партыяў, незалежна ад іх тактыкі.

Заяву пра каардынацыю высілкаў для кантролю за выбарамі падпісалі прадстаўнікі партыі БНФ, партыі БСДГ, АГП, кампаніі «Гавары праўду», руху «За свабоду», БСДП(НГ), БПП, партыі «Справядлівы сьвет».
XS
SM
MD
LG