Кіраўнік суполкі незалежнага прафсаюзу на «Граніце» Алег Стахаевіч абскарджвае ў абласны суд пазбаўленьне пасьведчаньня кіроўцы. Тым часам тэрмін дзеяньня часовага пасьведчаньня скончыўся, і ён кіроўцам самазвалу працаваць ужо ня можа. Спадара Стахаевіча паставілі перад фактам звальненьня:
«Афіцыйна я яшчэ нідзе ні ў якім загадзе не расьпісваўся. Але, мяркуючы па грашах, праз бухгальтэрыю гэты загад прайшоў...»
Спадар Стахаевіч напісаў заяву з просьбай перавесьці яго на іншую працу, але кажа, што мала шанцаў, каб начальства пайшло насустрач:
«Ніхто нават мне нічога не прапаноўваў. Водпуск таксама, я падыходзіў наконт водпуску — усё там, па графіку... У панядзелак быў такі ажыятаж у бальніцы. Знаёмая казала, што ў панядзелак вельмі шмат людзей праходзілі мэдкамісію для працаўладкаваньня на „Граніт“. У нас жа там пятая лінія адчыняецца. То каб ня даць мне вакансію, яны пачалі ў тэрміновым парадку запаўняць гэтыя вакансіі. То бок людзей там бралі, абы ўзяць...»
За сытуацыяй вакол магчымага звальненьня Алега Стахаевіча пільна сочыць старшыня Беларускага кангрэсу дэмакратычных прафсаюзаў Аляксандар Ярашук: «Калі яго звольняць, мы будзем усё рабіць, каб яго аднавіць на працы. І ў любым выпадку ён ня будзе пакінуты. Я зыходжу з таго, што ў мяне ёсьць пэрсанальная адказнасьць за яго лёс з усімі акалічнасьцямі, якія адгэтуль выцякаюць. Гэта вельмі дрэнны ўчынак зь вельмі дрэннымі наступствамі для беларускіх уладаў».
Спадар Ярашук перакананы, што сытуацыя зь ціскам на незалежны прафсаюз на «Граніце», як і сытуацыя вакол звальненьня Алега Стахаевіча, падаграецца спэцслужбамі. А кіраўніцтва прадпрыемства, на думку спадара Ярашука, выконвае адпаведную замову:
«Кіраўніцтва прадпрыемства, на жаль, проста не жадае з намі размаўляць. Канечне, тое кіраўніцтва, якое цяпер там знаходзіцца — выканаўца абавязкаў гендырэктара спадар Гаўрылковіч, ён мае адпаведны загад. Таму што кожны працоўны дзень на „Граніце“ пачынаецца з таго, што ў кабінэце спадара Гаўрылковіча знаходзяцца супрацоўнікі КДБ. Яны выпрацоўваюць адпаведную тактыку па зьнішчэньні незалежнага прафсаюзу. Я яшчэ раз кажу, што ён уцягнуўся ў вельмі дрэнную гісторыю. Але гэта таксама і яго выбар, за які яму давядзецца ў свой час несьці адказнасьць», — распавёў прафсаюзны лідэр.
«Афіцыйна я яшчэ нідзе ні ў якім загадзе не расьпісваўся. Але, мяркуючы па грашах, праз бухгальтэрыю гэты загад прайшоў...»
Спадар Стахаевіч напісаў заяву з просьбай перавесьці яго на іншую працу, але кажа, што мала шанцаў, каб начальства пайшло насустрач:
«Ніхто нават мне нічога не прапаноўваў. Водпуск таксама, я падыходзіў наконт водпуску — усё там, па графіку... У панядзелак быў такі ажыятаж у бальніцы. Знаёмая казала, што ў панядзелак вельмі шмат людзей праходзілі мэдкамісію для працаўладкаваньня на „Граніт“. У нас жа там пятая лінія адчыняецца. То каб ня даць мне вакансію, яны пачалі ў тэрміновым парадку запаўняць гэтыя вакансіі. То бок людзей там бралі, абы ўзяць...»
За сытуацыяй вакол магчымага звальненьня Алега Стахаевіча пільна сочыць старшыня Беларускага кангрэсу дэмакратычных прафсаюзаў Аляксандар Ярашук: «Калі яго звольняць, мы будзем усё рабіць, каб яго аднавіць на працы. І ў любым выпадку ён ня будзе пакінуты. Я зыходжу з таго, што ў мяне ёсьць пэрсанальная адказнасьць за яго лёс з усімі акалічнасьцямі, якія адгэтуль выцякаюць. Гэта вельмі дрэнны ўчынак зь вельмі дрэннымі наступствамі для беларускіх уладаў».
Спадар Ярашук перакананы, што сытуацыя зь ціскам на незалежны прафсаюз на «Граніце», як і сытуацыя вакол звальненьня Алега Стахаевіча, падаграецца спэцслужбамі. А кіраўніцтва прадпрыемства, на думку спадара Ярашука, выконвае адпаведную замову:
«Кіраўніцтва прадпрыемства, на жаль, проста не жадае з намі размаўляць. Канечне, тое кіраўніцтва, якое цяпер там знаходзіцца — выканаўца абавязкаў гендырэктара спадар Гаўрылковіч, ён мае адпаведны загад. Таму што кожны працоўны дзень на „Граніце“ пачынаецца з таго, што ў кабінэце спадара Гаўрылковіча знаходзяцца супрацоўнікі КДБ. Яны выпрацоўваюць адпаведную тактыку па зьнішчэньні незалежнага прафсаюзу. Я яшчэ раз кажу, што ён уцягнуўся ў вельмі дрэнную гісторыю. Але гэта таксама і яго выбар, за які яму давядзецца ў свой час несьці адказнасьць», — распавёў прафсаюзны лідэр.