Лінкі ўнівэрсальнага доступу

Паводле экспэртаў ЭЗ, у краінах Эўропы жыве каля мільёну беларусаў


З-за адтоку кадраў за мяжу ў Беларусі ня ўзьнікне вялікіх праблем з беспрацоўем, мяркуе былы міністар працы, сацыёляг Аляксандар Сасноў.

«Ня думаю, што ў хуткім часе ў нас узьнікне праблема з беспрацоўем, нават калі пачнуць развальвацца МАЗы і БелАЗы. Народ проста будзе зьяжджаць з краіны», —заявіў ён 15 лютага ў Менску на пасяджэньні круглага стала, прысьвечанага стварэньню ў Беларусі эфэктыўных працоўных месцаў.

Паводле экспэрта, адзін з «эўрапейскіх прадстаўнікоў» падзяліўся цікавай інфармацыяй, згодна зь якой у межах Эўразьвязу, паводле ацэнак экспэртаў ЭЗ, працуюць і жывуць каля 1 млн. 300 тыс. беларусаў. "На мой погляд, лічба крыху завышаная. Але, тым ня менш, пэрспэктыва росту адтоку кадраў ёсьць",— падкрэсьліў Сасноў.
XS
SM
MD
LG