Ужо сёньня, 15 лютага

Надвор'е

На захадзе і ў цэнтры краіны хмарна, на ўсходзе — сонечна. Тэмпэратура ў Берасьці, Гародні і Гомелі — −7 −9 градусаў, у Віцебску і ў Магілёве — −15 −17, у Менску — −12 −13.

У БЕЛАРУСІ І СЬВЕЦЕ:

У Менску, у офісе Аб’яднанай грамадзянскай партыі, пройдзе круглы стол з удзелам экспэртаў і прадстаўнікоў грамадзянскай супольнасьці на тэму: «Мільён новых працоўных месцаў»

Пачатак у 12.00.


* * *

У вечаровым эфіры «Свабоды» ― Зваротная сувязь: перадача «Званочкі», у якой Ян Максімюк камэнтуе тэлефанаваньні нашых слухачоў, і «Паштовая скрынка 111», дзе лісты слухачоў чытае і камэнтуе Валянцін Жданко.

* * *

Паважаныя наведнікі сайту! Дапамажыце больш поўна прадставіць беларускі дзень — дашліце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl.org.

ТАКСАМА Ў ГЭТЫ ДЗЕНЬ:

1386: Вялікі князь літоўскі Ягайла з братамі Карыгайлам, Сьвідрыгайлам, Вігандам і сваімі баярамі прыняў каталіцтва і атрымаў імя Ўладзіслаў

1563: Пачатак аблогі Полацку маскоўскімі войскамі падчас Лівонскай вайны

1916: У Вільні пачалося выданьне газеты «Гоман»

1989: Завершаны вывад савецкіх войскаў з Афганістану

1970: Кампанія IBM прапанавала гнуткі магнітны дыск для захоўваньня інфармацыі — дыскету

У гэты дзень нарадзіліся:

1824 Антон Залескі, мастак, удзельнік паўстаньня 1863–1864 гг.

1904: Ларыса Александроўская, беларуская опэрная сьпявачка

1912: Навум Перкін, беларускі літаратуразнавец, крытык, празаік

1926 Мікола Ягаўдзік, вайсковец, дзеяч эміграцыі ў Бэльгіі і ЗША

1932: Мікалай Якавенка, беларускі скульптар

1959: Пятро Васючэнка, беларускі літаратуразнавец, крытык, пісьменьнік, драматург

У гэты дзень памерлі:'

1915 Раман Рагінскі, адзін з кіраўнікоў паўстаньня 1863–1864 гг.

1958 Язэп Рэшаць, рэлігійны і культурны дзеяч, тэоляг, публіцыст

Памятныя даты:

Сусьветны дзень дзяцей, хворых на рак

Дзень дзяржаўнасьці Сэрбіі (у памяць пачатку антытурэцкага паўстаньня ў 1804 годзе).

Дзень нараджэньня прарока Мухамада.

ЦЫТАТА НА ПАМЯЦЬ:

Без чалавечнасьці ня будзе й вечнасьці.
Пімен Панчанка

ГОД ТАМУ Ў ЗАГАЛОЎКАХ НА САЙЦЕ «СВАБОДЫ»:

Алег Алкаеў: З уладай трэба размаўляць з пазыцыі сілы
Ці стане МАЗ філіяй КамАЗу?
Д. Муратаў: «За беларускіх палітвязьняў прасілі Саакашвілі і папа рымскі»
Тысячы пратэстуюць у Бахрэйне
Студэнтаў прымушаюць падпісаць зварот, які асуджае санкцыі Эўразьвязу