Лінкі ўнівэрсальнага доступу

Берасьце: Дзяніс Турчаняк судзіцца з аблвыканкамам


Дзяніс Турчаняк
Дзяніс Турчаняк

Каардынатар руху «За Свабоду» па Берасьці Дзяніс Турчаняк падаў пазоў у суд супраць аблвыканкаму, які адмовіўся даць інфармацыю пра будаўніцтва ў гістарычнай частцы гораду. Разгляд справы адбудзецца 14 лютага а 16-й гадзіне ў Ленінскім судзе Берасьця.

Дзяніс Турчаняк дамагаўся, каб улады прадставілі інфармацыю пра інвэстыцыйную дамову паміж аблвыканкамам і прыватнай фірмай «МФБ Девелопмент». Паводле гэтай дамовы, фірма рэалізуе ў гістарычным цэнтры праект «Адміністратыўна-гасьцінічны комплекс па вуліцы Савецкай у Берасьці».

Спадар Турчаняк асьцерагаецца, што падчас будаўніцтва гатэльнага комплексу будзе нанесеная шкода двум будынкам № 43 і 45 на вуліцы Савецкай, уключаным у дзяржаўны сьпіс гісторыка-культурнай спадчыны.

«Справа ў тым, што паводле дакумэнтацыі, гатэльны комплекс будзе ўключаць значна большую тэрыторыю, чым плошча гэтых двух будынкаў. Таму ўзьнікае падазрэньне, што або гэтыя будынкі аб’яднаюць у адзін, або будуць дадаваць паверхі. У зьвязку з гэтым, я і хацеў даведацца ў аблвыканкаме пра зьмест дамовы з гэтай фірмай. На якіх умовах „МФБ Девелопмент“ прадстаўлены дазвол на ажыцьцяўленьне тут гэтага праекту».

Падрабязнасьці пазьней на нашым сайце
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG