Лінкі ўнівэрсальнага доступу

Ужо выходныя, 11-12 лютага


Турэмны каляндар, Юлія Ляшкевіч

Турэмны каляндар, Юлія Ляшкевіч

Бліц-агляд падзеяў і тэмаў у Беларусі, сьвеце, гісторыі.

НАДВОР'Е

У суботу-нядзелю начныя маразы ў Беларусі дасягнуць 32°С. У суботу ўдзень мінус15–17, у нядзелю мінус16–18. Потым маразы пачнуць паступова слабець.

У ГЭТЫ ДЗЕНЬ:

11 лютага

Набывае моц новы закон пра дзяржслужбу. Паводле яго, дзяржаўныя службоўцы павінны адмаўляцца ад Карты паляка, калі пасьпелі атрымаць яе.

Тэатар старадаўняй культуры «Яварына» запрашае на баль-маскарад, які пачнецца а 18 гадзiне ў кавярнi «Плянэта зорак» у Менскім палацы дзяцей і моладзі.

Сусьветны дзень хворага.

Дзень перамогі рэвалюцыі ў Іране.

У Японіі дзень заснаваньня дзяржавы.

12 лютага

У кнігарні «ЛогвінаЎ» (пр. Незалежнасьці, 37а) адбудзецца дзіцячы ранішнік з прэзэнтацыяй кнігі швэдзкага пісьменьніка Юі Вісьляндэра «Мама Му чытае» ў суправаджэньні музыкі Зьмітра Вайцюшкевіча. Пачатак у 14:00. Імпрэза пройдзе ў рамках «Месяца швэдзкай літаратуры».

У Беларусі Дзень трох сьвятароў: Васіля Вялікага, Рыгора Багаслова і Яна Залатавуста.

Прэзыдэнцкія выбары ў Туркмэністане.

У Каіры зьбіраюцца міністры замежных справаў арабскіх краінаў, каб абмеркаваць сытуацыю ў Сырыі.

* * *

У суботнім і нядзельным эфіры Радыё Свабода слухайце, сярод іншага, перадачу «Зона Свабоды» на Белсаце», у якой удзельнічаюць Франак Вячорка, Юры Дракахруст, Алена Ціхановіч і Вольга Карач. Тэма гутаркі: Беларуская ўлада ў пошуку грошай: ці паўплывае гэта на лёс палітвязьняў. Герой чарговага эсэ «Гамбурскі рахунак Бахарэвіча» – Пятрусь Броўка. «Эўра з азіяцкім акцэнтам» – у «Званочках» Яна Максімюка.

* * *

Паважаныя наведнікі сайту! Дапамажыце больш поўна прадставіць беларускі дзень – дашліце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl.org.

ТАКСАМА Ў ГЭТЫ ДЗЕНЬ:

11 лютага 1959 у Менску адкрыўся Дзяржаўны цырк.

11 лютага 1989 у Беластоку створаны Беларускі клюб (старшыня Юры Туронак), які даў пачатак беларускаму палітычнаму руху ў Польшчы.

12 лютага 1746 у Косаўскім касьцёле ахрышчаны Тадэвуш Касьцюшка, дзяржаўны і вайсковы дзеяч, кіраўнік паўстаньня 1794 году.

12 лютага 1839 году ў Полацку пачаўся царкоўны сабор, які пастанавіў перавесьці беларусаў-уніятаў у падпарадкаваньне Расейскае Праваслаўнае Царквы.

12 лютага 1799 у Наваградку ў Фарным касьцёле ахрышчаны Адам Міцкевіч.

12 лютага 1910 у Вільні адбылася Першая беларуская пастаноўка. Ставілі п'есу Крапіўніцкага «Па рэвізіі».

Нарадзіліся:

11 лютага 1807 – беларускі мастак і кампазытар Напалеон Орда.

11 лютага 1847 – амэрыканскі вынаходнік у галіне электрычнасьці Томас Элва Эдысан.

11 лютага 1877 – Антон Неканда-Трэпка (Менск), грамадзка-палітычны дзяяч, пэдагог.

12 лютага 1937 – беларускі пісьменьнік Алесь Наўроцкі.

Памерлі:

12 лютага 1798 – Станіслаў Аўгуст Панятоўскі, апошні польскі кароль і вялікі князь літоўскі.

ГОД ТАМУ Ў ЗАГАЛОЎКАХ НА САЙЦЕ «СВАБОДЫ»:

Раскол у БНФ?

Ступень «экстрэмізму» «Аўтарадыё» вызначыць пракуратура

Каго не дапыталі – дапытаюць, хто не дасядзеў – пасадзяць…

ЦЫТАТА НА ПАМЯЦЬ:

Геній – гэта адзін адсотак натхненьня і дзевяноста дзевяць адсоткаў поту.
Т.Э.Эдысан
XS
SM
MD
LG