Выступаючы ў Вашынгтоне перад Хэльсынскай камісіяй ЗША — амэрыканскім урадавым органам, які займаецца маніторынгам правоў чалавека — Іман Гілмар распавёў пра перасьлед праваабаронцаў і незалежных грамадзкіх аб’яднаньняў. Ён адзначыў, што «Беларусь, на жаль, не выконвае сваіх абавязаньняў перад АБСЭ», а таму «няма сумненьняў, што аднаўленьне прысутнасьці АБСЭ ў Беларусі ў той ці іншай форме магло б стаць важным крокам у слушным кірунку і пазытыўным сыгналам для міжнароднай супольнасьці».
Беларусь зачыніла офіс АБСЭ ў беларускай сталіцы пасьля таго, як назіральнікі гэтай арганізацыі назвалі вынікі прэзыдэнцкіх выбараў 2010 году сфальсыфікаванымі.
Гілмар таксама адзначыў, што «Ірляндыя асуджае перасьлед апазыцыі і праваабаронцаў у Беларусі». Ён «шкадуе, што сытуацыя ў Беларусі пагоршылася».
«Тым ня менш як дзейны старшыня АБСЭ я мушу трымаць адкрыты канал для беларускай улады», дадаў Іман Гілмар.
Беларусь зачыніла офіс АБСЭ ў беларускай сталіцы пасьля таго, як назіральнікі гэтай арганізацыі назвалі вынікі прэзыдэнцкіх выбараў 2010 году сфальсыфікаванымі.
Гілмар таксама адзначыў, што «Ірляндыя асуджае перасьлед апазыцыі і праваабаронцаў у Беларусі». Ён «шкадуе, што сытуацыя ў Беларусі пагоршылася».
«Тым ня менш як дзейны старшыня АБСЭ я мушу трымаць адкрыты канал для беларускай улады», дадаў Іман Гілмар.