Лінкі ўнівэрсальнага доступу

Бліц-агляд падзеяў і тэмаў у Беларусі, сьвеце, гісторыі.

МАРОЗНА...


...і пахмурна, але ўдзень час-часам выгляне сонца. Тэмпэратура: -23 — -19.

У БЕЛАРУСІ І СЬВЕЦЕ:


У ДК БелТГ ім. Н.Ф. Шарко (вул. Уральская, 3, ст. м. Трактарны Завод) выступае Віктар ШАЛКЕВІЧ зь лепшымі і новымі песьнямі. Пачатак а 19.00.

У Браславе ў Музэі традыцыйнай культуры сустрэча са швэдзкай пісьменьніцай Юі Вісландэр, на якой адбудзецца прэзэнтацыя яе кніжак, выдадзеных нядаўна ў Беларусі. Пачатак а 16.00.

У Вільнюсе ў Эўрапейскім гуманітарным унівэрсытэце сустрэча студэнтаў са Станіславам Шушкевічам. Пачатак а 13.00.

* * *

У вечаровым эфіры Свабоды праграмы «Вашы дзеці» Аляксандры Дынько і «Падарожжа» Зьмітра Бартосіка. Зьміцер Бартосік гэтым разам наведае Мікашэвічы, горад Лунінецкага раёну Брэсцкай вобласьці.

* * *

Паважаныя наведнікі сайту! Дапамажыце больш поўна прадставіць беларускі дзень – дашліце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl.org.

ТАКСАМА Ў ГЭТЫ ДЗЕНЬ:


1921 — у складзе Наркамату асьветы БССР створана Навукова-тэрміналягічная камісія з мэтай распрацоўкі тэрміналёгіі на беларускай мове.

1940 — першы этап дэпартацыі насельніцтва з Заходняй Беларусі, 50 тысяч чалавек выпраўлена ў Сібір і Казахстан.

1962 — адзін з найбольш славутых абменаў шпіёнамі паміж ЗША і СССР: зьбіты над СССР у 1961 пілёт амэрыканскага шпіёнскага самалёта U2 Фрэнсыс Гэры Паўэрс быў абменены на савецкага шпіёна Вільяма Генрыхавіча Фішэра, якога ў 1957 амэрыканцы засудзілі на 45 гадоў турмы.

У гэты дзень нарадзіліся:

1882 — беларускі пісьменнік Францішак Умястоўскі.

1883 — Станіслаў Булак-Балаховіч, вайсковец і палітычны дзяяч.

1868 — Карусь Каганец, беларускі пісьменьнік, мастак, графік, скульптар і мовазнавец.

1903 — Вінцэнт Жук-Грышкевіч, беларускі грамадзка-палітычны дзяяч.

1943 — Міхась Тычына, беларускі літаратуразнаўца.

У гэты дзень памерлі:

1938 — беларускі пісьменьнік Максім Гарэцкі.

ЦЫТАТА НА ПАМЯЦЬ:


Пранцішак: Цо бо то паненка до мне, як до хлопа, гада. Чы бо то мы не моглісь фізычней паразмавяць? Прэце ж паненка такі шляхэтна естэсь, а то по-простэму і по-простэму.

Ганна: Няхай сабе і «па-простэму». Няўжо ж крыва лепш, як проста?


Карусь Каганец, «Модны шляхцюк».

ГОД ТАМУ Ў ЗАГАЛОЎКАХ НА САЙЦЕ “СВАБОДЫ”:


Падаражэлі цукар і грэчка

Клінаў: Мой «Шалом» — гэта «Вайна і мір»

Санкцыі ЗША супраць "Белнафтахіму" ўступілі ў дзеяньне
XS
SM
MD
LG