Лідэры Аб’яднанай грамадзянскай партыі заявілі, што для партыі выбары ня ёсьць галоўным прыярытэтам. Асабліва — мясцовыя ці парлямэнцкія. Мэту партыі патлумачыў Анатоль Лябедзька:
«Мы выйшлі на тое, што галоўны прыярытэт для нас сфармуляваны ў вельмі кароткім сказе: Лукашэнка. Сыстэма Лукашэнкі — гэта ёсьць праблема. Усё астатняе выцякае адсюль. Усё астатняе — наступствы. Таму мы і прапануем, што трэба вырашаць з самім чыньнікам, а не змагацца зь яго наступствамі».
Таму АГП ня будзе прывязваць сваю дзейнасьць да восеньскіх выбараў. А скарыстае гэтую кампанію выключна для інфармацыйнай працы — давесьці праўду пра становішча ў краіне празь дзяржаўныя тэлебачаньне, радыё і друк, што дазваляе выбарчае заканадаўства. Як дазваляе яно афіцыйна зарэгістраваным палітычным партыям вылучыць сваіх кандыдатаў па ўсіх 110 акругах.
Гэтымі магчымасьцямі і зьбіраецца скарыстацца АГП. Але сваім вылучэнцам партыйнае кіраўніцтва ставіць некалькі абавязковых умоваў — тлумачыць Анатоль Лябедзька:
«Кожны з удзельнікаў дае пісьмовыя абавязаньні, што ён рэалізуе падчас выбарчай кампаніі ня тое, што яму захочацца сказаць, а тое, што сфармулявана як галоўны мэсыдж і пасланьне. Яго абавязак — у вызначаны час зьняцца з гэтай кампаніі. Кожны лідэр арганізацыі, якая ўдзельнічае ў гэтым пляне, бярэ на сябе пэрсанальны абавязак кантролю над сябрамі сваёй арганізацыі. Трэба ліквідаваць і эканамічную залежнасьць удзельнікаў. Гэта азначае, што яны не бяруць фінансы ў дзяржавы, а сваю дзейнасьць праводзяць праз фонды, якія дазваляе стварыць выбарчае заканадаўства».
Для таго, каб такі плян стаў рэальным, АГП прапануе, каб абсалютна ўсе вылучэнцы былі сябрамі зарэгістраваных палітычных партыяў і падпарадкоўваліся партыйнай дысцыпліне. Леў Марголін, які сам двойчы ўдзельнічаў у парлямэнцкіх выбарах, спасылаецца на свой досьвед:
«Таму мы супраць таго, каб нехта ішоў праз збор подпісаў выбарцаў. Калі вы зьбіраеце подпісы, вы ствараеце сваю каманду. Затым гэтая каманда ідзе да людзей. Але ж вельмі складана патлумачыць людзям, што вы просіце іх подпісы і пры гэтым кажаце, што ўдзельнічаць у выбарах ня будзеце.
Такім чынам партыйныя вылучэнцы пазбаўляюцца вялікай спакусы заставацца ў выбарчай гонцы да апошняга дня і ўдзельнічаць у галасаваньні».
Такую стратэгію кіраўніцтва АГП лічыць больш эфэктыўнай за звычайны байкот выбараў. 8 лютага яно распачне кансультацыі і перамовы з партнэрамі па дэмакратычнай апазыцыі, каб і яны далучыліся да гэтага пляну.
«Мы выйшлі на тое, што галоўны прыярытэт для нас сфармуляваны ў вельмі кароткім сказе: Лукашэнка. Сыстэма Лукашэнкі — гэта ёсьць праблема. Усё астатняе выцякае адсюль. Усё астатняе — наступствы. Таму мы і прапануем, што трэба вырашаць з самім чыньнікам, а не змагацца зь яго наступствамі».
Таму АГП ня будзе прывязваць сваю дзейнасьць да восеньскіх выбараў. А скарыстае гэтую кампанію выключна для інфармацыйнай працы — давесьці праўду пра становішча ў краіне празь дзяржаўныя тэлебачаньне, радыё і друк, што дазваляе выбарчае заканадаўства. Як дазваляе яно афіцыйна зарэгістраваным палітычным партыям вылучыць сваіх кандыдатаў па ўсіх 110 акругах.
Гэтымі магчымасьцямі і зьбіраецца скарыстацца АГП. Але сваім вылучэнцам партыйнае кіраўніцтва ставіць некалькі абавязковых умоваў — тлумачыць Анатоль Лябедзька:
«Кожны з удзельнікаў дае пісьмовыя абавязаньні, што ён рэалізуе падчас выбарчай кампаніі ня тое, што яму захочацца сказаць, а тое, што сфармулявана як галоўны мэсыдж і пасланьне. Яго абавязак — у вызначаны час зьняцца з гэтай кампаніі. Кожны лідэр арганізацыі, якая ўдзельнічае ў гэтым пляне, бярэ на сябе пэрсанальны абавязак кантролю над сябрамі сваёй арганізацыі. Трэба ліквідаваць і эканамічную залежнасьць удзельнікаў. Гэта азначае, што яны не бяруць фінансы ў дзяржавы, а сваю дзейнасьць праводзяць праз фонды, якія дазваляе стварыць выбарчае заканадаўства».
Для таго, каб такі плян стаў рэальным, АГП прапануе, каб абсалютна ўсе вылучэнцы былі сябрамі зарэгістраваных палітычных партыяў і падпарадкоўваліся партыйнай дысцыпліне. Леў Марголін, які сам двойчы ўдзельнічаў у парлямэнцкіх выбарах, спасылаецца на свой досьвед:
«Таму мы супраць таго, каб нехта ішоў праз збор подпісаў выбарцаў. Калі вы зьбіраеце подпісы, вы ствараеце сваю каманду. Затым гэтая каманда ідзе да людзей. Але ж вельмі складана патлумачыць людзям, што вы просіце іх подпісы і пры гэтым кажаце, што ўдзельнічаць у выбарах ня будзеце.
Такім чынам партыйныя вылучэнцы пазбаўляюцца вялікай спакусы заставацца ў выбарчай гонцы да апошняга дня і ўдзельнічаць у галасаваньні».
Такую стратэгію кіраўніцтва АГП лічыць больш эфэктыўнай за звычайны байкот выбараў. 8 лютага яно распачне кансультацыі і перамовы з партнэрамі па дэмакратычнай апазыцыі, каб і яны далучыліся да гэтага пляну.