Лінкі ўнівэрсальнага доступу

logo-print

Ініцыятыўная група па правядзеньні кампаніі байкоту заклікала грамадзянаў Беларусі ня браць удзелу ў маючых адбыцца парлямэнцкіх выбарах.

Прадстаўнікі ініцыятыўнай групы Генадзь Фядыніч (прафсаюз РЭП), палітык Віктар Івашкевіч, былы палітвязень Аляксандар Атрошчанкаў, Аляксей Марачкін (Рада беларускай інтэлігенцыі) і Віктар Болдзін («Эўрапейская Беларусь») правялі 2 лютага прэс-канфэрэнцыю ў Менску.

Яны заявілі, што нельга браць удзел у выбарах, калі ў турмах знаходзяцца палітвязьні. Прыхільнікі байкоту ня бачаць магчымасьці ўдзелу ў падрыхтоўцы да выбараў і зьняцьця кандыдатаў за некалькі дзён да галасаваньня, бо гэтым даюць магчымасьць уладам трымаць палітвязьняў за кратамі. Толькі пратэсты, байкот ад сёньняшняга дня і заклік ня браць удзелу ў выбарах могуць паўплываць на тое, што ўлады выпусьцяць палітвязьняў.

Ініцыятыўная група «За байкот» ужо працуе ў рэгіёнах, распаўсюджвае адмысловы зварот, неўзабаве пачне працу сайт у інтэрнэце.

Заяву пра байкот раней падпісала ініцыятыўная група ў складзе Станіслава Шушкевіча, Аляксандра Казуліна, Віктара Івашкевіча, Яўгена Афнагеля і Паўла Марыніча. Яе падтрымалі зьезд стваранай Партыі БХД, КХП БНФ, ініцыятыва «Вызваленьне», Каардынацыйная рада народных сходаў, «Беларускі рух», кааліцыя «Спадчына».

Падрабязнасьці пазьней на нашым сайце

Паказаць камэнтары

XS
SM
MD
LG